ଭାଲୁ ଆକ୍ରମଣରେ ନାବାଳକ ଆହତ
ଡାବୁଗାଁ, ୩୧/୮ (ମ.ନି.ସ.)- ନବରଙ୍ଗପୁର ଜିଲା ଝରିଗାଁ ବ୍ଲକ ଅଧୀନ ବରାଯୋଡି ଗ୍ରାମ ନିକଟରେ ଶୁକ୍ରବାର ରାତ୍ର ପ୍ରାୟ ୧୦ ଘ. ସମୟରେ ଭାଲୁ ଆକ୍ରମଣରେ ଜଣେ ନାବାଳକ ଆହତ ହୋଇଛି | ସୂଚନାଯୋଗ୍ୟ:- ଶୁକ୍ରବାର ଦିନ ଗ୍ରାମରେ ବରାଯୋଡି ଏକ ଦଶାହ କାର୍ଯ୍ୟ ଚାଲିଥିଲା | ଗ୍ରାମର ସନ୍ୟାସୀ ସାନ୍ତା (୧୫) ରାତିରେ ଗ୍ରାମର ଯାଇଥିଲା ରାସ୍ତାରେ ବୁଲୁଥିଲେ | ସେହି ସମୟରେ ପାଖ ଜଙ୍ଗଲ ଭିତରୁ ଏକ ଭାଲୁ ଆସି ବାହାରେ ବୁଲୁଥିଲା | ଅନ୍ଧାର ହୋଇଥିବାରୁ ପିଲାଟି ରାସ୍ତା କଡରେ ଭାଲୁ ଥିବା ଜାଣିପାରିନଥିଲା | ଭାଲୁଟି ହଠାତ ପିଲାଟିକୁ ଆକ୍ରମଣ କରିଥିଲା | ପିଲାଟି କୌଶଳ କ୍ରମେ ସେଠାରୁ ଖସି ଆସି ଘରେ ପହଞ୍ଚିଥିଲା | ପରେ ପରେ ପରିବାର ଲୋକେ ପିଲାଟିକୁ ଆମ୍ବୁଲାନ୍ସ ଯୋଗେ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ପିଲାଟିର ଡାହାଣ ଗୋଡରେ ୨ ଟି ସ୍ଥାନରେ ଭାଲୁ କାମୁଡି ଦେଇଥିଲା | ବର୍ତ୍ତମାନ ପିଲାଟିର ଅବସ୍ଥା ସୁସ୍ଥ ଥିବା ଡାକ୍ତର ଖାନା ପକ୍ଷରୁ ସୂଚନା ମିଳିଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
