ସକାଳର ଜଣାଣ
ବିଜୟ କୁମାର ଜେନା
ବିଶ୍ଵ ପିତା ତୁମେ ଅସୀମ କୃପାରେ
ପାଳୁଅଛ ଏ ସଂସାର
ଯିଏ ଯେଉଁ କର୍ମ ତହିଁ ଅନୁଯାୟୀ
ଫଳ ଭୋଗିବାଟା ସାର।
ତୁମେ ଜଗନ୍ନାଥ ମଙ୍ଗଳମୟ ହେ
ଦୁଃଖହାରୀ ଅଟତୁମେ
କେତେ ଲୀଳା କରି ଭକତ ତାରଣେ
ବାସ ନୀଳାଚଳ ଧାମେ।
ମହୋଦଧି ତୀର ପଦଧୋଇ ଦିଏ
ଅହରହ ସେବା କରେ
ପତିତପାବନ ବାନା ଉଡୁଥାଏ
ବିପରୀତ ପବନରେ।
ତୋ ଶ୍ରୀମନ୍ଦିର ଶୋଭା ପାଇଥାଏ
ନିତି ଗହଳ ଚହଳ
କେଡାକେ ମଣିମା କେଡାକେ ଗୋସାଇଁ
ଯାହାପାଇଁ ଯେଉଁବେଳ।
ମୁଁ କିନ୍ତୁ ଡାକୁଛି ପ୍ରତି ମୁହୂର୍ତ୍ତରେ
ମୋର ହୃଦୟ ମନ୍ଦିରେ
ଆସ ମୋର ସ୍ଵାମୀ କାଳିଆ ସାଆନ୍ତ
ଥିବା ଯାଏ ସଂସାରରେ।
ଅବସର ପ୍ରାପ୍ତ ପ୍ରାଧ୍ୟାପକ
,ଶାମୁକାସାହି,
ରଣପୁର,
ନୟାଗଡ
