ପୂର୍ବଶତ୍ରୁତା କୁ କେନ୍ଦ୍ର କରି ଫସଲ ନଷ୍ଟ କୁ ନେଇ ଥାନାରେ ଏତଲା
ନବରଙ୍ଗପୁର:(୧|୯)-ପୂର୍ବଶତ୍ରୁତା କୁ କେନ୍ଦ୍ର କରି ଲଗାଯାଇଥିବା ଧାନ ଫସଲ ନଷ୍ଟ କରିଦେଇଥିବା ନେଇ ରାଇଘର ଥାନାରେ ହୋଇଛି ଏତଲା | ସୂଚନାଅନୁଯାଇ ରାଇଘର ବ୍ଲକ ର ପାରୁଆ ପଞ୍ଚାୟତ ର ଇନ୍ଦ୍ରାନଗର ଗ୍ରାମର କୀର୍ତ୍ତନ ଶାନ୍ତl କରିଛନ୍ତି ଅଭିଯୋଗ ସେହି ଗ୍ରାମର ଚିତ୍ତ ଶାନ୍ତl ପୂର୍ବ ଶତ୍ରୁତା କୁ କେନ୍ଦ୍ର କରି ଲଗା ଯାଇଥିବା ଧାନ ଫସଲକୁ ଔଷଧ ପକାଇ ନଷ୍ଟ କରିଥିବା ଅଭିଯୋଗ କରିଛନ୍ତି |ପ୍ରକାଶ ଥାଉକି ଗତ ଦଶ ବର୍ଷ ତଳେ କୀର୍ତ୍ତନ ଙ୍କ ବାପା ରାମନାଥ ଶାନ୍ତl ଙ୍କୁ ଗୁଣି ଗାରେଡି ସନ୍ଦେହରେ ଗ୍ରାମରୁ ବାହାର କରିଦେଇଥିଲେ ଗ୍ରାମ ବାସି |ଏହା ପରେ ସେ ନିଜ ଭିଉଣୀ ଘରେ ଯାଇ ରହୁଥିଲେ |ଗତ ବର୍ଷ ଶରୀର ଖରାପ ଥିବା ଜାଣି ପୁଅ କୀର୍ତ୍ତନ ନିଜ ପାଖକୁ ନେଇ ଆସିଥିଲେ |ବାପା ଆସିବା ପରେ ଚାଷ ଜମି ଥିବା ଜାଣି କୀର୍ତ୍ତନ ଜମି ପଟ୍ଟା ନେଇ ତହସିଲ ଅଫିସ ଯାଇ ଅମିନ ସାହାଯ୍ୟରେ ଜମି ଚିହ୍ନଟ କରି ଜାଣିଥିଲେ ତାଙ୍କର ୫ ଏକର ୨0 ଡ଼ିସିମିଲ ଜମି ବୋଲି |ଅମିନ ଚିହ୍ନଟ କରାଇବା ପରେ ଏ ବର୍ଷ ପ୍ରଥମ କରି ନିଜ ଜମିରେ ଧାନ ଲଗାଇଥିଲେ |ଧାନ ଗଛ ଭଲ ମଧ୍ୟ ହୋଇଥିଲା |ଏହା ଭିତରେ ବନ୍ଧୁ ଘରକୁ ବୁଲିବାକୁ ଯାଇ ସେଠାରୁ ଫେରି ଦେଖିଲା ବେଳକୁ ଗଛ ସବୁ ମରି ସୋଇଛି |ଯେହେତୁ ଚିତ୍ତ ପୂର୍ବରୁ ବହୁବାର ଧମକ ଚମକ ଦେବା ସହ ଚାଷ ନ କରିବାକୁ କହୁଥିଲା ସେହିଁ ଏହି କାମ କରିଥାଇପାରେ ବୋଲି ସନ୍ଦେହ କରି ରାଇଘର ଥାନାରେ ଏତଲା ଦେଇଥିବା କୀର୍ତନ କହିଛନ୍ତି |ଏ ସମ୍ପର୍କ ରେ ଥାନା ଅଧିକାରୀଙ୍କ ସହ ଯୋଗାଯୋଗ କରିବାରୁ କେଉଁ କାରଣ ରୁ ଏହା ନଷ୍ଟ ହୋଇଛି ତାହା ଜାଣି ପଦକ୍ଷେପ ନିଆଯିବ ବୋଲି କହିଥିଲେ |
ରବି ନାରାୟଣ ମହାନ୍ତି ଙ୍କ ରିପୋର୍ଟ୍
