ନୃସିଂହ ଠାକୁରଙ୍କୁ ପୂଜାର୍ଚ୍ଚନା କଲେ ନୂତନ ଦେହରୀ ଓ ଉପଦେହୁରୀ
ମୟୂରଭଞ୍ଜ;ତା/୦୧/୦୯ ( ମସିହା) ମୟୂରଭଂଜ ଜିଲ୍ଲା ବାମନଘାଟୀ ଉପଖଣ୍ଡସ୍ଥ ଜାମୁଦା ବ୍ଳକର କଇଁପୁର ଗ୍ରାମର ବାବା ପାକଣାପାଟ୍ ପାହାଡ଼ ଉପରେ କେଉଁ ଆବାହମାନ ରାଜାରୁଜୁଡା ଅମଳରୁ ବିରାଜମାନ କରିଥିବା ଆରାଧ୍ୟ ଦେବତା ନୃସିଂହ ଦେବଙ୍କୁ ନୂତନ ମୁଖ୍ୟ ଦେହୁରୀ ବିରସିଂ ସର୍ଦ୍ଦାର,ଉପଦେହୁରୀ-ମଙ୍ଗଲା ସର୍ଦ୍ଦାର,ସହଯୋଗୀ ଦେହୁରୀ ସମୂହ ପୀଠସ୍ଥଳୀରେ ଉପସ୍ଥିତ ରହି ପ୍ରତି ରବିବାର ଯେପରି ପୂଜା କରାଯାଏ ସେହିପରି ପୂଜାରମ୍ଭ କରାଯାଇଛି | ଶ୍ରମିକ ଯୁବକ ସଂଘ ର ସମ୍ପାଦକ ରଂଜନ ବାରିକ,ସଭାପତି ରାଜ କିଶୋର ମଣ୍ଡଳ,ଶ୍ରମିକ ଯୁବକ ସଂଘ କଇଁପୁରର ସଦସ୍ୟଗଣ, କଇଁପୁର ଗ୍ରାମର ବରିଷ୍ଷ ନାଗରିକ,ୟୁଏସ୍ଆଇ ସଂଗଠନର ସମ୍ପାଦକ ପ୍ରଶ୍ନ କୁମାର ଶତପଥୀ,ଜାମଦା ଥାନା ପୋଲିସ୍ ପ୍ରଶାସନଙ୍କ ଉପସ୍ଥିତିରେ ଶାନ୍ତିଶ୍ରୃଙ୍ଖଳା ସହ ପୂଜାର୍ଚ୍ଚନା ନୂତନ ଦେହରୀ ଓ ଉପଦେହରୀ ପୂଜାର୍ଚ୍ଚନା କରିଥିଲେ |ଏହି ପରିପ୍ରେକ୍ଷୀରେ ଗାଁ ର ଜନସାଧାରଣ,ଶ୍ରମିକ ଯୁବକ ସଂଘର ସଦସ୍ୟଗଣ,ଦେହୁରୀ ବଂଶର ପ୍ରତ୍ୟେକ ଦେହୁରୀସମୂହ ନୂତନ ଦେହରୀ ଓ ଉପଦେହୁରୀଙ୍କୁ ସ୍ବାଗତ ଜଣାଇଥିଲେ ଏବଂ ପାରମ୍ପାରିକ ନୀତିନିୟମାନୁସାରେ ନୂତନ ବସ୍ତ୍ର ପରିଧାନ କରି ପାହାଡ଼ର ପୂଜାସ୍ଥଳୀ ଓ ପାହାଡ଼ ପାଦଦେଶରେ ଥିବା ପୂଜାସ୍ଥାନରେ ପୂଜା କାର୍ଯ୍ୟ ସୁରୁଖୁରୁ ରେ ପରିଚାଳିତ କରିଥିଲେ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ୍
