ସରସ୍ବତୀ ଶିଶୁ ବିଦ୍ୟା ମନ୍ଦିର ବାଲାଜୀ ବିହାର ଭବାନୀପାଟଣା ଗୁରୁଦିବସ
ଅଦ୍ୟ ତା- ୫/୦୯/୨୪ ଗୁରୁବାର ଦିନ ଆମ୍ଭ ସରସ୍ବତୀ ଶିଶୁ ବିଦ୍ୟା ମନ୍ଦିର ବାଲାଜୀ ବିହାର ଠାରେ ଗୁରୁଦିବସ ଉତ୍ସବ ଅନୁଷ୍ଠିତ ହୋଇଯାଇଛି | ଏଥିରେ ମୁଖ୍ୟ ଅତିଥି ଭାବରେ ମାନନୀୟ ଶ୍ରୀଯୁକ୍ତ ବିଜୟ କୁମାର ପାତ୍ର,ଅବସର ପ୍ରାପ୍ତ ଇଂରାଜୀ ଶିକ୍ଷକ ତଥା ସମାଜସେବୀ,ପୂର୍ବତନ ସମ୍ପାଦକ ସଶିବିମ,ବାଲାଜୀ ବିହାର ଯୋଗଦାନ କରିଥିଲେ | ସମ୍ମାନିତ ଅତିଥି ଭାବରେ ଶ୍ରୀମତୀ ଏସ. ଭି ଲକ୍ଷ୍ମୀ ଯୋଗଦାନ କରିଥିଲେ | ତତ ସହିତ ବିଦ୍ୟାଳୟର ସମ୍ପାଦକ ଶ୍ରୀଯୁକ୍ତ ସୁରେଶ ଚନ୍ଦ୍ର ସାହୁ, ଯୁଗ୍ମ ସମ୍ପାଦକ ଶ୍ରୀଯୁକ୍ତ ଗିରିଜା ଶଙ୍କର ସାହୁ,ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଦାଶରଥି ପଣ୍ଡା ମହୋଦୟ ଉପସ୍ଥିତ ରହି ମା ସରସ୍ବତୀଙ୍କ ନିକଟରେ ଜ୍ଞାନର ଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଉଦଘାଟନ କରିଥିଲେ | ଡ. ସର୍ବପଲୀ ରାଧାକୃଷ୍ଣନ ଙ୍କ ଜନ୍ମ ଦିବସରେ ଶିଶୁ ଭାଇ ଭଉଣୀଙ୍କ ଦ୍ୱାରା ପୁଷ୍ପାର୍ଚ୍ଚନା କରାଯାଇଥିଲା | ଗୁରୁଦିବସ ଅବସରରେ ବିଦ୍ୟାଳୟ ତରଫରୁ ମାନନୀୟ ଶ୍ରୀଯୁକ୍ତ ବିଜୟ କୁମାର ପାତ୍ର,ଶ୍ରୀମତୀ ଏସ. ଭି. ଲକ୍ଷ୍ମୀ,ଶ୍ରୀଯୁକ୍ତ ସୁରେଶ ଚନ୍ଦ୍ର ସାହୁ,ଶ୍ରୀଯୁକ୍ତ ବିରଞ୍ଚି କୁମାର ତାଣ୍ଡି,ଶ୍ରୀଯୁକ୍ତ ଗିରିଜା ଶଙ୍କର ସାହୁ ମହୋଦୟଙ୍କୁ ସମ୍ମାନିତ କରାଯାଇଥିଲା |ଶ୍ରୀଯୁକ୍ତ ରୁପେଶ କୁମାର ପଣ୍ଡା କାର୍ଯ୍ୟକ୍ରମ ପରିଚାଳନା କରିବା ସହ ଧନ୍ୟବାଦ ଅର୍ପଣ କରିଥିଲେ |
ଖୁସି ରାମ ସାହୁ ଙ୍କ ରିପୋର୍ଟ୍
