ଶ୍ରୀଗଣେଶ ପୂଜା କମିଟି ଖଇରା ଓ ଲିଜେଣ୍ଡ ଲାୟନସ୍ କ୍ଲବ ଖଇରାର ଗଜାନନ ପୂଜା
ଖଇରା,୦୮/୯/୨୪ – ଜିଲ୍ଲା ଖଇରା ବ୍ଲକ ଦୁର୍ଗା ମଣ୍ଡପ ପରିସରରେ ଗଜାନନଙ୍କ ପୂଜା ଧୂମଧାମରେ ଚାଲିଛି । ଶ୍ରୀଗଣେଶ ପୂଜା କମିଟି ଏବଂ ଲିଜେଣ୍ଡ ଲାୟନସ୍ କ୍ଲବର କର୍ମକର୍ତ୍ତା ମାନଙ୍କ ଦ୍ବାରା ସୁନ୍ଦର ସାଜସଜ୍ଜା ସହିତ ପୂଜକଙ୍କ ମନ୍ତ୍ର ପାଠ ପୂଜା ମଣ୍ଡପକୁ ପ୍ରକମ୍ପିତ କରିଥିଲା । ସମସ୍ତ ସକ୍ରିୟ ମେମ୍ବର ମାନେ ଶାନ୍ତି ଶୃଙ୍ଖଳା ପ୍ରତି ଧ୍ଯାନ ଦେଇ କାର୍ଯ୍ୟ କରୁଥିବାର ଦୃଷ୍ଟି ଗୋଚର ହୋଇଥିଲା । ଭକ୍ତମାନେ କିପରି ସୁରୁଖୁରୁରେ ଦର୍ଶନ କରି ଫେରିବେ ସେଥିପାଇଁ କମିଟି ଓ କ୍ଲବର ସମସ୍ତ ସକ୍ରିୟ ମେମ୍ବର ମାନେ ନଜର ରଖିଥିଲେ । ଶ୍ରୀଗଣେଶ ପୂଜା କମିଟିର ସଭାପତି ଜ୍ଯୋତି ରଞ୍ଜନ ମହାପାତ୍ର ଓ ଲିଜେଣ୍ଡ ଲାୟନସ୍ର ସଭାପତି ବିସ୍ମୟ ନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ପୂଜା କାର୍ଯ୍ୟ ଶାନ୍ତି ଶୃଙ୍ଖଳାର ସହିତ ଚାଲିଛି । ଆସନ୍ତା ୧୦ ତାରିଖ ଲିଜେଣ୍ଡ ଲାୟନସ୍ କ୍ଲବର ଭସାଣୀ ଯାତ୍ରା ଅନୁଷ୍ଠିତ ହେଉଥିବା ବେଳେ ଶ୍ରୀଗଣେଶ ପୂଜା କମିଟିର ଭସାଣୀ ଯାତ୍ରା ୧୩ ତାରିଖରେ ହେବ ବୋଲି ଉଭୟଙ୍କ ତରଫରୁ ଗଣମାଧ୍ୟମକୁ ସୂଚନା ପ୍ରଦାନ କରିଛି କମିଟି ଓ କ୍ଲବ । ଉକ୍ତ ପୂଜା ଦେଖିବା ପାଇଁ ସ୍ଥାନୀୟ ଅଞ୍ଚଳରୁ ବହୁ ଭକ୍ତଙ୍କ ସମାଗମ ହୋଇଥିଲା । ପୂଜା ସ୍ଥଳରେ କୌଣସି ପ୍ରକାର ଅପ୍ରୀତିକର ପରିସ୍ଥିତି ହୋଇ ନଥିବାର ଖବର ସଂଗ୍ରହରୁ ଜଣାପଡିଛି । ଉଭୟ କମିଟି କାର୍ଯ୍ୟରତ ସାମ୍ବାଦିକ ମାନଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
