ପ୍ରକଳ୍ପ କଲୋନୀରେ ଚୋରୀ : ଚୋର ନେଇ ଯାଇଛି ସୁନା ରୂପା ଗହଣା
ତେନ୍ତୁଳିଖୁଣ୍ଟି , ୧୬/୦୯/୨୪: ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ଖାତିଗୁଡା ଥାନା ଅନ୍ତର୍ଗତ ଇନ୍ଦ୍ରାବତୀ ପ୍ରକଳ୍ପ କଲୋନୀ କ୍ୱାର୍ଟରରୁ ଚୋରୀ ହୋଇଥିବା ନେଇ ବନ୍ଦିତା ମହାରଣା ଖାତିଗୁଡା ଥାନାରେ ଅଭିଯୋଗ କରିଛନ୍ତି । ଗତ ୧୨ତାରିଖ ଗୁରୁବାରରୁ ସେ ବରୋଗଡ଼ ସ୍ଥିତ ଅତାବିରା ଗ୍ରାମକୁ ବାପାଙ୍କ ଦେହ ଅସୁସ୍ଥ ହୋଇଥିବାରୁ 
ଯାଇଥିଲେ। ସୋମବାର ଦିନ ଇନ୍ଦ୍ରାବତୀ ସ୍ଥିତ ରଏଲ କଲୋନୀ କ୍ୱାଟର ନମ୍ବର ଏଫ- ୭୨ ରହୁଥିବା ଘରକୁ ପଶିବା ବେଳକୁ କବାଟ ଖୋଲା ଥିବା ଦେଖି ଆଶ୍ଚର୍ୟ୍ଯ ହୋଇ ଯାଇଥିଲେ । ପରେ ଘର ଭିତରକୁ ପଶି ଦେଖିଲା ବେଳକୁ ଟ୍ରଙ୍କ ଭାଙ୍ଗିଥିବା ଦେଖିବା ସହ ଆସବା ପତ୍ର ମଧ୍ୟ ଏଣେ ତେଣେ ପଡ଼ିଥିବା ବେଳେ ଟ୍ରଙ୍କରେ ଥିବା ସୁନା ଚେନ ସୁନା ବାହୁଟି,ରୂପାର ଅଣ୍ଟା ବିଛା ,କିଛି ରୂପା କଏନ , ପନ୍ଦର ହଳ ପାଉଁଜି ନଗଦ ସାତ ହଜାର ପେନ୍ ଡ୍ରାଇଭ୍ ଆଦି ନଥିବା ଦେଖି ଭାଙ୍ଗି ପଡ଼ିଥିଲେ । ପାଖ ପଡୋଶୀଙ୍କ ସହାୟତାରେ ଥାନାରେ ଅଭିଯୋଗ କରିଥିଲେ। ଥାନାରୁ ସବ ଇନ୍ସପେକ୍ଟର ମହେଶ୍ବର ବୁଡୁବାଡେ ଟିମ୍ ସହ ଘଟଣା ସ୍ଥଳ ଅନୁସନ୍ଧାନ କରିଥିଲେ । ପରେ ସାଇଣ୍ଟିଫିକ ସ୍କ୍ୱାର୍ଡକୁ ଡକାଇ ଅନୁସନ୍ଧାନ କୁକୁର ସହାୟତାରେ ତନ୍ନ ତନ୍ନ ଯାଞ୍ଚ କରାଯାଇଛି । କିଏ ବା କେଉଁ ମାନେ ଚୋରୀ କରିଛନ୍ତି ଦିନେ ଦୁଇ ଦିନ ମଧ୍ୟରେ ଧରାଯିବ ବୋଲି କହିଛନ୍ତି ମହେଶ୍ୱର ବୁଡୁବାଡେ । ଏହାକୁ ନେଇ ଖାତିଗୁଡା ପୋଲିସ ୧୨୮/୨୪ ରେ କେଶ୍ ମାମଲା ରୁଜୁ ହୋଇଛି ।
ଗୋବର୍ଦ୍ଧନ ସାହୁ , ତେନ୍ତୁଳିଖୁଣ୍ଟି
