ବ୍ଲକସ୍ତରୀୟ ଯକ୍ଷ୍ମା ପ୍ରତିଷେଧକ ଟୀକାକରଣ କାର୍ଯ୍ୟକ୍ରମ
କୋଇଡା-୨୬/୦୯/ ( ମସିହା)ସୁନ୍ଦରଗଡ଼ ଜିଲ୍ଲାର କୋଇଡା ବ୍ଲକ ଅନ୍ତର୍ଗତ କୋଇଡା ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ର ରେ ବ୍ଲକସ୍ତରୀୟ ଯକ୍ଷ୍ମା ଟୀକାକରଣ କାର୍ଯ୍ୟକ୍ରମ ଶୁଭାରମ୍ଭ ହୋଇଯାଇଛି I ଦେଶ ର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଗାମୀ ପାଞ୍ଚ ବର୍ଷ ମଧ୍ୟ୍ୟ ରେ ଭାରତ ରୁ ଯକ୍ଷ୍ମା ରୋଗ କୁ ସମ୍ପୂର୍ଣ ରୂପେ ମୂଳପୋଛ କରିବା ନେଇ ଲକ୍ଷ୍ଯ ରଖିଛନ୍ତି I ଏହି ପରିପ୍ରେକ୍ଷୀରେ ଆମ ରାଜ୍ୟ ସରକାର ଓଡିଶା ର ୧୩ ଗୋଟି ଜିଲ୍ଲା କୁ ଏହି ଟୀକା କରଣ କାର୍ଯ୍ୟକ୍ରମ ରେ ସାମିଲ କରିଛନ୍ତି I ଏହି ଟୀକାକରଣ କାର୍ଯ୍ୟକ୍ରମ ରେ ସାମିଲ ହୋଇଥିବା ଜିଲ୍ଲା ମଧ୍ୟରୁ ସୁନ୍ଦରଗଡ଼ ଜିଲ୍ଲା ର କୋଇଡା ବ୍ଲକ ଏକ ଖଣି ଖାଦାନ ରେ ଭରପୁର ଆଦିବାସୀ ଅଧ୍ୟୁଷିତ ଅଂଚଳ I ଏଠାକାର ଅଧିକାଂଶ ଲୋକ ଜୀବନ ଜୀବିକା ପାଇଁ ଖଣି ଉପରେ ନିର୍ଭରଶୀଳ I ଫଳରେ ଖଣି ଖନନ ଓ ଖଣିଜ ପଦାର୍ଥ ପରିବହନ ରେ ନିୟୋଜିତ ଯାନବାହାନ ଗୁଡିକରୁ ନିର୍ଗତ ଧୂଳି ଓ ଧୂଆଁ ଯୋଗୁ ପରିବେଶ ପ୍ରଦ୍ୟୁଷିତ ହେବା ଯୋଗୁଁ ଅଧିକାଂଶ ଲୋକେ ଯକ୍ଷ୍ମା ଓ ଅନ୍ୟାନ୍ୟ ରୋଗ ରେ ପୀଡିତ ହୋଇଥାନ୍ତି I ଅଂଚଳ ରେ ବସବାସ କରୁଥିବା ସମସ୍ତ ପ୍ରାପ୍ତ ବୟସ୍କ ଲୋକ ଙ୍କୁ ଟୀକାକରଣ ତଥା ଜନସାଧାରଣ ଙ୍କ ମଧ୍ୟରେ ସଚେତନତା ବୃଦ୍ଧି କରିବା ଏହି କାର୍ଯ୍ୟକ୍ରମ ର ମୂଳ ଲକ୍ଷ ବୋଲି କୋଇଡା ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ର ର ଭାରପ୍ରାପ୍ତ ଅଧିକାରୀ ଡାକ୍ତର ସନତ କୁମାର ପଶୁପାଳକ ସୂଚନା ଦେଇଛନ୍ତି I ଏହି କାର୍ଯ୍ୟକ୍ରମ ରେ ବଣାଇ ପୂର୍ବତନ ବିଧାୟକ ଜନାର୍ଦ୍ଦନ ଦେହୁରୀ, କୋଇଡା ଖ ଜିଲ୍ଲା ପରିଷଦ ସଭ୍ୟ ଅଶୋକ କୁମାର ନାଏକ, କୋଇଡା ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ର ର ଭାରପ୍ରାପ୍ତ ଚିକିତ୍ସା ଅଧିକାରୀ ଡାକ୍ତର ସନତ କୁମାର ପଶୁପାଳକ, ଡାକ୍ତର ନାଗାର୍ଜୁନ ଗାଗାରାଇ, ଯୋଗଦେଇ ଉପସ୍ଥିତ ଜନସାଧାରଣ ଓ ସ୍ୱାସ୍ଥ୍ୟ କର୍ମୀ ମାନଂକୁ ଟୀକାକରଣ ବିଷୟରେ ଆଲୋକପାତ କରିଥିଲେ I ଯକ୍ଷ୍ମା ଅଛୁଆଁ ନୁହେଁ । ଯକ୍ଷ୍ମା ରୋଗୀଙ୍କୁ ହତାଦର କର ନାହିଁ । ସଠିକ୍ ସମୟରେ ଯକ୍ଷ୍ମା ପରୀକ୍ଷା କରାଇ ଡାକ୍ତରଙ୍କ ପରାମର୍ଶ ନେଇ ଔଷଧ ଓ ସୁଷମ ଖାଦ୍ୟ ଖାଇଲେ ଯକ୍ଷ୍ମା ରୋଗରୁ ମୁକ୍ତି ପାଇଁ ପାରିବ ।ପରିବାର ଲୋକେ ସମସ୍ତ ବୟସ୍କ ମାନଙ୍କୁ ଯକ୍ଷ୍ମା ରୋଗ ଉପରେ ସଚେତନ କରାଇ ଯକ୍ଷ୍ମା ରୋଗର ପ୍ରତିଷେଧକ ଟୀକା କରଣ ନେବା ପାଇଁ ପରାମର୍ଶ ଦିଅନ୍ତୁ । ଏହି ବ୍ଲକରେ ୭୦୦୦ ରୁ ଉର୍ଦ୍ଧ୍ବ ବୟସ୍କ ମାନଙ୍କୁ ଟୀକାକରଣ କରାଯିବ ବୋଲି ଲକ୍ଷ୍ୟ ଧାର୍ଯ୍ୟ ରଖାଯାଇଛି ।ଏହି କାର୍ଯ୍ୟକ୍ରମ ରେ କୋଇଡା ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ର ର ସ୍ୱାସ୍ଥ୍ୟ କର୍ମୀ,ଆଶା ଅଙ୍ଗନବାଡି ଦିଦି , ବହୁବିଧ ରୋଗ ରେ ପୀଡିତ ରୋଗୀ, ଓ ଆଖ ପାଖ ଅଂଚଳ ରୁ ଆସିଥିବା ଜନସାଧାରଣ ଙ୍କୁ ଯକ୍ଷ୍ମା ରୋଗ ଟୀକା କରଣ କରାଯାଇଥିଲା Il
କୋଇଡା ରୁ ଅକ୍ଷୟ ବିଶ୍ବାଳଙ୍କ ରିପୋର୍ଟ
