ଧର୍ମଗଡ ଏନ୍ଏସି ପକ୍ଷରୁ ସ୍ୱଚ୍ଛତା ଏବଂ ପରିମଳର ସଚେତନତା ବାର୍ତ୍ତା ନେଇ ବିଭିନ୍ନ ପ୍ରତିଯୋଗିତାର ଆୟୋଜନ
ଦେଶବ୍ୟାପୀ ସ୍ଵଚ୍ଛତା ହିଁ ସେବା-୨୦୨୪” ଅଭିଯାନର ଏକ ଅଂଶ ଭାବରେ ଧର୍ମଗଡ ଏନଏସି ତରଫରୁ ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ମଧ୍ୟରେ ସଫଳତାର ସହ ଏକ ପ୍ରତିଯୋଗିତାର ଆୟୋଜନ କରିଛି। ବିଭିନ୍ନ ଇଭେଣ୍ଟ ଗୁଡିକରେ ଗୀତ ପ୍ରତିଯୋଗିତା, ତର୍କ ବିତର୍କ ପ୍ରତିଯୋଗିତା ଏବଂ ଚିତ୍ରାଙ୍କନ ପ୍ରତିଯୋଗିତା 
ଅନ୍ତର୍ଭୁକ୍ତ ଥିଲା। ସୃଜନଶୀଳତା ପ୍ରତିପାଦନ କରିବା ଏବଂ ସ୍ୱଚ୍ଛତା ଏବଂ ପରିମଳ ର ମହତ୍ତ୍ୱ ବିଷୟରେ ସଚେତନତା ସୃଷ୍ଟି କରିବା ଧର୍ମଗଡ ଏନ୍ ଏସି ର ଲକ୍ଷ ଥିଲା| ଛାତ୍ରଛାତ୍ରୀ ମାନଙ୍କ ର ଉତ୍ସାହର ସହିତ ଅଂଶଗ୍ରହଣ ପ୍ରକୃତରେ ପ୍ରେରଣାଦାୟକ ଅଟେ ଏବଂ ଏହି ପଦକ୍ଷେପ ଆମ ସମାଜରେ ସ୍ଵଚ୍ଛ ଭାରତ ମିଶନର ପ୍ରଚାରରେ ଯଥେଷ୍ଟ ସହାୟକ ହେବ ବୋଲି ଏନ୍ ଏ ସି ର ନିର୍ବାହୀ ଅଧିକାରୀ ଚନ୍ଦ୍ରକାନ୍ତ ବେହେରା ପ୍ରକାଶ କରିଛନ୍ତି।
ଧର୍ମଗଡ ଏନ୍ ଏ ସି ଏହି ସ୍ଵଚ୍ଛତା ହିଁ ସେବା କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟାପକ ମାଧବ ଲହଜଲ, ଶିକ୍ଷକ ନିରଞ୍ଜନ ମୁଦୁଲି, ଭରତ ବନ୍ଧୁ ସୁନାନୀ ସମେତ ଏନ୍ଏସି ର ସଫେଇ ପ୍ରବୀଣ ଅଭିନନ୍ଦନ ପ୍ରଧାନ, ସିଟି ମିଶନ ମ୍ୟାନେଜର ସୁବାଶିଷ ନାୟକ, ମନୋରଞ୍ଜନ ନାଗ, ରାଜେଶ କୁମାର ସାହୁ, ସାରଦା ପ୍ରସନ ସାହୁ ଙ୍କ ଦ୍ବାରା ସୁଚାରୁରୂପେ କାର୍ଯ୍ୟକାରୀ ହୋଇଥିଲା।
ବିଦ୍ୟାଧର ସାହୁଙ୍କ ରିପୋର୍ଟ….
