ଜୁନାଗଡ଼, ୧୭//୪ (ମ ନି ସ ) ଜୁନାଗଡ଼ ସହର ସ୍ଥିତ ସାଇନିଙ୍ଗ କିଡ୍ସ ୱାର୍ଲଡ ଇଂଲିଶ ମିଡ଼ିଅମ ସ୍କୁଲ ର ବାର୍ଷିକ ଉତ୍ସବ ଆଜି ପାଳିତ ହୋଇଯାଇଛି l ଏହି ଅବସର ରେ ଅନୁଷ୍ଠିତ ସଭା ରେ ମୁଖ୍ୟ ଅତିଥି ଭାବେ ଷ୍ଟାର୍ଟେଜି ପ୍ଳାଜିଙ୍ଗ ଗୋଏଲ ଫାଉଣ୍ଡେସନ ଅଫ ଇଣ୍ଡିଆ ର ଉପସଭାପତି ଶ୍ରୀ ଦେବବ୍ରତ ମିଶ୍ର ଯୋଗଦାନ କରିଥିବା ବେଳେ ମୁଖ୍ୟ ବକ୍ତା ଭାବେ ଜୁନାଗଡ଼ ଗୋଷ୍ଠୀ ଶିକ୍ଷା କେନ୍ଦ୍ର ର ସି.ଆର.ସି.ସି. ଶ୍ରୀ ଗୋଦାବରୀଶ ପଣ୍ଡା ଯୋଗଦାନ କରିଥିଲେ l ସମ୍ମନିତ ଅତିଥି ଭାବେ ସ୍କୁଲ ର ସଂସ୍ଥାପକ ଶ୍ରୀ ବେଦ ପ୍ରକାଶ ଗୋଏଲ, ସ୍କୁଲ ପରିଚାଳକ ଇଂ ପ୍ରବୀର ଗୋଏଲ ପ୍ରମୁଖ ଉପସ୍ଥିତ ଥିଲେ l ଏହି କାର୍ଯ୍ୟକ୍ରମରେ ସ୍କୁଲ ର ଅଧ୍ୟକ୍ଷ ଶ୍ରୀ ସୁଶାନ୍ତ ଦଣ୍ଡସେନା ସଭାପତିତ୍ୱ କରଥିଲେ l ଆଗାମୀ ଦିନ ରେ ବିଦ୍ୟାଳୟ ରେ ଶିକ୍ଷା ର ମାନ ଆହୁରି ବୃଦ୍ଧି କରିବା ସହ ଡିଜିଟାଳାଇଜେସନ, ଖେଳ, ଆକଟିଭିଟି ମାଧ୍ୟମ ରେ ଶିକ୍ଷା ଦାନ ବୃଦ୍ଧି କରାଯିବ ବୋଲି ବିଦ୍ୟାଳୟ ପରିଚାଳକ ଇଂ. ପ୍ରବୀର ଗୋଏଲ ପ୍ରକାଶ କରିଥିଲେ l ଇଂଲିଶ, ସାଇନ୍ସ, ଜେନେରାଲ ନଲେଜ ଟେଷ୍ଟ ରେ ସ୍ଵର୍ଣ ପଦକ ପାଇଥିବା ସ୍ୱୟମ ଶିବ ମିଶ୍ର ଙ୍କୁ ମୁଖ୍ୟ ଅତିଥି ଦ୍ୱାରା ସମ୍ମାନୀତ କରାଯାଇଥିଲା l ସଭା ଶେଷରେ ରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇ ଓ ପୁରସ୍କାର ବିତରଣ କରାଯାଇଥିଲା l ଶିକ୍ଷୟତ୍ରୀ ଶର୍ମିଷ୍ଠା ଯୋଶୀ ଓ ଗୀତା ନାଏକ ମଞ୍ଚ ପରିଚାଳନା କରିଥିଲେ l ପରିଚାଳିକା ସରିତା ଗୋଏଲ ଧନ୍ୟବାଦ ଅର୍ପଣ କରିଥିଲେ l
ଜୁନାଗଡ ରୁ ନରେନ୍ଦ୍ର ଖିତି ଙ୍କ ରିପୋର୍ଟ।
