ସରକାରୀ ସ୍ବୟଂଶାସିତ ମହାବିଦ୍ୟାଳୟର ଛାତ୍ରାବାସ ଅନ୍ତେବାସୀଙ୍କ ଦ୍ବାରା ଆହତ ବୁଲା ବାଛୁରୀର ସେବା ସୁଶ୍ରୁସା
ରାଉରକେଲା: ରାଉରକେଲା ସହରର ପାନପୋଷଛକ ନିକଟରେ ଥିବା ସରକାରୀ ସ୍ବୟଂଶାସିତ ମହାବିଦ୍ୟାଳୟର ଛାତ୍ରାବାସର କିଛି ଅନ୍ତେବାସୀଙ୍କ ଦ୍ବାରା ଏକ୍ ଆହତ ବୁଲା ବାଛୁରୀର ସେବା ସୁଶ୍ରୁସା କରାଯାଇଛି। ଏହାପରେ ବାଛୁରୀକୁ ଗୃହସ୍ଥୀ ଦ୍ବାରା ପରିଚାଳିତ ନନ୍ଦଗାଓଁ ଗୋଶାଳାକୁ ହସ୍ତାନ୍ତର କରାଯାଇଛି । ସୁଚନା ମୁତାବକ 
ଦୁଇଦିନ ପୂର୍ବେ ମହାବିଦ୍ୟାଳୟ ନିକଟରେ ଏକ ଆହତ ବାଛୁରୀକୁ କିଛି ଛାତ୍ର ଦେଖିଥିଲେ। ଏହାପରେ ବାଛୁରିଟିକୁ ଛାତ୍ରାବାସର କିଛି ଅନ୍ତେବାସୀ ଆଣି ଏହାର ପ୍ରାଥମିକ ଚିକିତ୍ସା କରିବା ସହ ଔଷଧ ଦେଇଥିଲେ । ପରେ ବାଛୁରୀଟିର ଅଧିକ ଚିକିତ୍ସା ନିମନ୍ତେ ପ୍ରାଣିଧନ ଚିକିତ୍ସକଙ୍କ ସହଯୋଗ ନିଆଯାଇଥିଲା । ଧିରେ ଧିରେ ବାଛୁରୀଟି ସୁସ୍ଥ ହେବା ପରେ ଏହାକୁ ସେକ୍ଟର-୧୪ ରେ ଥିବା ଗୃହସ୍ଥୀ ଦ୍ବାରା ପରିଚାଳିତ ନନ୍ଦଗାଓଁ ଗୋଶାଳାକୁ ହସ୍ତାନ୍ତର କରାଯାଇଛି। ଏହା ଫଳରେ ବାଛୁରୀଟି ଅଧିକ ସୁରଷିତ ରହିପାରିବ ବୋଲି ଅନ୍ତେବାସୀମାନେ କହିଛନ୍ତି । ଏହି କାର୍ଯ୍ୟରେ ଛାତ୍ର ବିଶ୍ବଜିତ ପଲାଇ, ରାହୁଳ ଅଗ୍ରୱାଲ, ସୌମ୍ୟ ରଞ୍ଜନ ମହାପାତ୍ର, ଟିକେଶ୍ବର ବିଶ୍ବାଳ, ସୁମିତ ପଟେଲ, ସୁରଜ ପାତ୍ର ଏବଂ ଆଦିତ୍ୟ ପଣ୍ଡିତ ପ୍ରମୁଖ ସକ୍ରୀୟ ଭୂମିକା ଗ୍ରହଣ କରିଥିଲେ । ଏହିଭଳି କାର୍ଯ୍ୟକୁ ମହାବିଦ୍ୟାଳୟର ଅଧ୍ୟକ୍ଷଙ୍କ ସମେତ ଅନ୍ୟ ଅଧ୍ୟାପକ ଓ ଅଧ୍ୟାପିକାମାନେ ପ୍ରଶଂସା କରିଛନ୍ତି ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
