ଘର ଲିପିବାକୁ ମାଟି ନେବାକୁ କେନ୍ଦ୍ର କରି ଥାନାରେ ମାମଲା
ଡାବୁଗାଁ, ୩୦/୧୦ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଅଞ୍ଚଳା ପଞ୍ଚାୟତ ର ଅଞ୍ଚଳା ଗ୍ରାମରେ ଘର ଲିପିବାକୁ ମାଟି ନେବାକୁ କେନ୍ଦ୍ର ଗଣ୍ଡଗୋଳ ନେଇ ବୁଧବାର ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ :- ଡାବୁଗାଁ ବ୍ଲକ ଅଧୀନ ଅଞ୍ଚଳା ପଞ୍ଚାୟତ ର ଅଞ୍ଚଳା ଗ୍ରାମର ମଞ୍ଜରୀ ଗୌଡ ମଙ୍ଗଳବାର ସକାଳ ୮ ଘ. ସମୟରେ ଘର ଲିପିବା ପାଇଁ ଗ୍ରାମ ପାଖ କୁସୁମଗୁଡା ଗ୍ରାମ ନିକଟରେ ଥିବା ନିଜକୁ ଯାଇଥିଲେ | ସେଠାରେ ମାଟି ଖୋଳିବା ସମୟରେ ସେହି ଜମି ପାଖରେ ଥିବା ରତ୍ନା ଭତ୍ରା ମାଟି ନେବାକୁ ମନା କରିଥିଲେ | ଏନେଇ ମଞ୍ଜରୀ କହିଲେ ମୋ ଜମିରୁ ମୁଁ ମାଟି ନେଉଛି ତୁ କାହିଁକି ମନା କରୁଛୁ | ୨ ଜଣ ଙ୍କ ମଧ୍ୟରେ ଝଗଡା ହୋଇଥିଲା ଫଳରେ ରତ୍ନା ଭତ୍ରା ରାଗିଯାଇ ମଙ୍ଗରୀ ଗୌଡ ଙ୍କୁ ୨ ଦିନ ମଧ୍ୟରେ ମାରିଦେବି ବୋଲି କହିବାରୁ ମଙ୍ଗରୀ କହିଲା ତୁ କଣ ପାଙ୍ଗଣୀ ଯେ ମୋତେ ୨ ଦିନରେ ମାରିଦେବୁ | ଗଣ୍ଡଗୋଳ ସ୍ଥାନରୁ ରତ୍ନାର ପୁଅ କଷା କୁମାର ଭତ୍ରା ଓ ବୋହୁ ଡମାଇ ଭତ୍ରା ମିଶି ରତ୍ନାକୁ ହାତ ଧରି ଟାଣି ଆଣିବା ସମୟରେ ରତ୍ନା ତଳେ ପଡି ଯିବାରୁ ମୁଣ୍ଡରେ ଆଘାତ ହୋଇଥିଲା | ଫଳରେ ରତ୍ନା ଭତ୍ରା ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆସି ପ୍ରାଥମିକ ଚିକିତ୍ସା ପରେ ଘରକୁ ଯାଇଥିଲେ | ବୁଧବାର ସକାଳେ ଏନେଇ ରତ୍ନା ଭତ୍ରା ଡାବୁଗାଁ ଥାନାରେ ଏତଲା ଦେଇଥିଲେ | ତାଙ୍କ ଏତଲାକୁ ଭିତ୍ତି କରି ଥାନା କେସ ନଂ ୧୯୮/୨୪ ରେ ଏକ ମାମଲା ରୁଜୁ ହୋଇଥିଲା | ଅପରପକ୍ଷ ମଙ୍ଗରୀ ଗୌଡ ମଧ୍ୟ ଥାନାରେ ଏତଲା ଦେଇଥିଲେ | ଯାହାକି ତାଙ୍କ ଏତଲା କୁ ଭିତ୍ତି କରି ଥାନା କେସ ନଂ ୧୯୯/୨୪ ରେ ଏକ ମାମଲା ରୁଜୁ କରାଯାଇ ତଦନ୍ତ ଚାଲିଛି ବୋଲି ଆଇଆଇସି ସୁନୀଲ କୁମାର ପ୍ରଧାନ ସୂଚନା ଦେଇଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
