ତୁମେ ମୋ ବନ୍ଧୁ ତୁମେ ମୋ ସଖା
ତୃପ୍ତି ରାଣୀ ପାତ୍ର
ତୁମେ ମୋର ବନ୍ଧୁ
ତୁମେ ମୋର ସଖା ପ୍ରଭୁ
ତୁମେ ମୋର କୃପାସିନ୍ଧୁ
ତୁମେ ମୋର ସବୁରେ ସବୁ
ମରମ ବୁଝ ମୋହର
ଆହେ ପ୍ରିୟ ପ୍ରଭୁ ।
ଜନମ ଦେଇଛ ସଂସାର ବକ୍ଷରେ
ଗଢିଛ ଭାଗ୍ୟ ମୋହର
ଆଲିଙ୍ଗନ କରି ଆପଣା ପଣରେ
ଧରିଅଛ ହସ୍ତ ମୋର
ତୁମେ ତ ସବୁରେ ସବୁ ଆହେ ପ୍ରଭୁ
ତୁମେ ମୋର ପ୍ରିୟବନ୍ଧୁ ।
ଅସାର ସଂସାରେ ମିଥ୍ୟା ସମ୍ପର୍କରେ
ନାହିଁ ମୋର ମନ ଧ୍ୟାନ
ତୁମେ ଥିଲେ ସାଥେ
ଚାଲେ ନିର୍ଭୟରେ
ନଥାଏ ବାଧା ବିଘ୍ନ
ତୁମେ ମୋର ପ୍ରାଣପତି ପ୍ରିୟତମ
ତୁମେ ମୋ ସବୁରେ ସବୁ
ଆହେପ୍ରଭୁ ତୁମେ ମୋର ସଖା ସିନ୍ଧୁ ।
ନିୟତି ନିଷ୍ଠୁର ଆଣେ ରୋଗବ୍ୟାଧି
ପାଶେ ଥାଅ ସଦା ମୋର
ଧୈର୍ଯ୍ୟ ଆଶ୍ୱାସନା ସାନ୍ତ୍ଵନାର ବାଣୀ
ଶୁଣାଅ କର୍ଣ୍ଣେ ମୋହର
ଆହେ ଦୟାମୟ ପ୍ରିୟ ପ୍ରଭୁ
କିପରି ଭୁଲିବି ସେସବୁ ।
ତୁମେ ମୋ ସବୁରେ ସବୁ ଆହେ ପ୍ରଭୁ
ଜୀବନର ସଖା ସିନ୍ଧୁ
ତୁମେ ମୋର ପ୍ରାଣପତି ଦୀନବନ୍ଧୁ
ତୁମେ ମୋ ସବୁରେ ସବୁ
ଅମା ଅନ୍ଧକାରୁ ଜୀବ ଯନ୍ତ୍ରଣାରୁ
ରକ୍ଷା କର ଆହେ ବିଭୁ
ତୁମେ ସଖା ପ୍ରଭୁ ତୁମେ ମୋର ବନ୍ଧୁ
ତୁମେ ମୋ ସବୁରେ ସବୁ ।
ଶୟନେ ସପନେ ସାଥେ ଥାଅ ମୋର
ଭଲମନ୍ଦ ସୁଖଦୁଃଖ ବୁଝୁଅଛ
କରି କରାଉଛ ସବୁ
ସତ୍ଯ ପଥେ ରହି ନିତ୍ୟ ଚାଲୁଥିବି
ତୁମ ପ୍ରେମ କରୁଣାରୁ
ଆହେ ପ୍ରିୟ ପ୍ରଭୁ
ତୁମେ ମୋ ସବୁରେ ସବୁ ସଖା ପ୍ରଭୁ
ତୁମେ ମୋରପ୍ରିୟ ବନ୍ଧୁ ।
ସହଦେବଖୁଣ୍ଟା , ବାଲେଶ୍ଵର
