ସାମ୍ବାଦିକ ଏବଂ ମୋ ଅନୁଷ୍ଠାନ ସମ୍ପାଦକଙ୍କୁ ସମ୍ବର୍ଦ୍ଧିତ କଲା ଜନହିତ ଯୁବକ ସଂଘ
ଖଇରା,୧୫/୧୧/୨୪- ବୌଦ୍ଧକ୍ଷେତ୍ର କୁପାରି ଶୂନ୍ୟ ମଣ୍ଡପ ପରିସରରେ ବହୁ ପ୍ରସିଦ୍ଧ ମେଳା ଅନୁଷ୍ଠିତ ହୋଇଥିଲା । ଏହି ମେଳା ପ୍ରତ୍ୟେକ ବର୍ଷ ରାସପୂର୍ଣ୍ଣିମା ଦିନ ହିଁ ହୋଇଥାଏ । ଏକ ଦିବସୀୟ ମେଳା ଦେଖିବା ପାଇଁ ଲକ୍ଷ୍ୟ ଲକ୍ଷ୍ୟ ଲୋକଙ୍କ ସମାଗମ ହୋଇଥାଏ । ପଡୋଶୀ ଜିଲ୍ଲାରୁ ମଧ୍ୟ ଶହ ଶହ ଲୋକ ଏହି ମେଳା ଦେଖିବାକୁ ଆସିଥାନ୍ତି । ପବିତ୍ର ଶୂନ୍ୟ ମଣ୍ଡପ ପରିଦର୍ଶନ କରି ଆତ୍ମା ଶୁଦ୍ଧି କରିଥାନ୍ତି ଭକ୍ତମାନେ । ବ୍ରତଧାରୀ ମାନେ ଡଙ୍ଗା ଭସାଇ ବ୍ରତ ସମାପନ କରିଥାନ୍ତି । ବିଭିନ୍ନ ସ୍ଥାନରୁ ଦୋକାନୀ ମାନେ ଆସି ଦୋକାନ ଦେଇଥାନ୍ତି । ଲୋକମାନଙ୍କ ସେବାରେ ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ ସେମାନଙ୍କ ସେବା କାର୍ଯ୍ୟ ଜାରି ରଖିଥାନ୍ତି । ପ୍ରତି ବର୍ଷ ପରି ଏ ବର୍ଷ ମଧ୍ୟ ଜନହିତ ଯୁବକ ସଂଘ ସେବା କାର୍ଯ୍ୟ ଚାଲୁ ରଖିଥିଲା । ସଂଘର କର୍ମକର୍ତ୍ତା ମାନେ ସକାଳ ଠାରୁ ସନ୍ଧ୍ୟା ପର୍ଯ୍ୟନ୍ତ ନିଜର ସେବା କାର୍ଯ୍ୟ ଜାରି ରଖିଥିଲେ । ବିଭିନ୍ନ ଭକ୍ତ ମାନେ ମଧ୍ୟ ତାଙ୍କ ଠାରୁ ଉତ୍ତମ ସେବା ପାଇ ଆନନ୍ଦରେ ଘରକୁ ଫେରିଥିଲେ । ଏହି ପରିପ୍ରେକ୍ଷୀରେ ଜନହିତ ଯୁବକ ସଂଘ ସାମ୍ବାଦିକ ଓ ” ମୋ ଅନୁଷ୍ଠାନ ସାହିତ୍ୟ ସଂସଦ ” ର ସମ୍ପାଦକ ନରେନ୍ଦ୍ର ପ୍ରସାଦ ବେହେରାଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଛି । ସମ୍ବର୍ଦ୍ଧିତ ସମୟରେ ସଭାପତି ସୁରେଶ ରାଉତ ଓ ଉପଦେଷ୍ଟା ଭଉଣୀ କୁଞ୍ଜଲତା ମାହୁନ୍ତ ସମେତ ସଂଘ ଅନ୍ୟ କର୍ମକର୍ତ୍ତା ଏବଂ ମେମ୍ବର ମାନେ ଉପସ୍ଥିତ ଥିଲେ । ସଂଘ କେବଳ ବାଲେଶ୍ଵର ଜିଲ୍ଲା ନୁହେଁ ରାଜ୍ୟର ବିଭିନ୍ନ ଜିଲ୍ଲାରେ ତା’ର ସେବା କାର୍ଯ୍ୟ ଜାରି ରଖିଛି । ସଂଘ ଗରିବ, ଦୀନ ଦୁଃଖୀ, ଅସହାୟର ବନ୍ଧୁ ହୋଇଥିବାରୁ ସବୁବେଳେ ଗରିବର ବନ୍ଧୁ ହୋଇ ଅସମୟ ସମୟରେ ପାଖରେ ଦଣ୍ଡାୟମାନ ହୋଇ ସାହାଯ୍ୟର ହାତ ବଢାଇଥାଏ । ସୁତରାଂ ଗରିବର ଏକମାତ୍ର ସାହାରା ଜନହିତ ଯୁବକ ସଂଘ । ସଂଘର କାର୍ଯ୍ୟକ୍ରମରେ ସନ୍ତୁଷ୍ଟ ହୋଇ ବହୁ ଲୋକ ବହୁ ପ୍ରଶଂସା କରୁଥିବାର ଦୃଷ୍ଟି ଗୋଚର ହେଉଛି । ଆଗାମୀ ଦିନରେ ଏଭଳି ସେବା କାର୍ଯ୍ୟ ଜାରି ରହିବ ବୋଲି ସଭାପତି ସଭାପତି ସୁରେଶ ରାଉତ ଗଣମାଧ୍ୟମକୁ କହିଛନ୍ତି ।।
ବାଲେଶ୍ଵର ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
