ସ୍କୁଟି–ଟ୍ରକ ମୁହାଁ ମୁହିଁ ଧକ୍କା ଜଣେ ଗୁରୁତ୍ତର
ଡାବୁଗାଁ, ୧୭/୧୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ମହେନ୍ଦ୍ରୀ ଛକ ନିକଟରେ ରବିବାର ଅପରାହ୍ନରେ ସ୍କୁଟି–ଟ୍ରକ ମୁହାଁ ମୁହିଁ ଧକ୍କା ଜଣେ ଗୁରୁତ୍ତର | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ ଗରୁଡଗୁଡା ଗ୍ରାମର ମଧୁସୂଦନ ମାଝି (୨୧) ପାପଡାହାଣ୍ଡିରୁ ଆଜି 
ଅପରାହ୍ନ ୪ ଘ. ସମୟରେ ଡାବୁଗାଁ – ପାପଡାହାଣ୍ଡି ରାଜ୍ୟ ରାଜପଥ-୩୯ ଉପରେ ନିଜ ସ୍କୁଟି ନଂ ଓଡି ୨୪ ଡି ୫୯୮୨ ଯୋଗେ ନିଜ ଘର ଗରୁଡଗୁଡା ଗ୍ରାମକୁ ଫେରୁଥିଲେ | ମହେନ୍ଦ୍ରୀ ଛକ ନିକଟରେ ଏକ ଟ୍ରକ ନଂ ଏପି ୮୯ ୟୁଏନ ୩୩୮୮ ସହ ମୁହାଁ ମୁହିଁ ଧକ୍କା ହୋଇଥିଲା | ଫଳରେ ସ୍କୁଟିରେ ଚଳାଉଥିବା ମଧୁସୂଦନ ରାସ୍ତା କଡକୁ ଛିଟିକି ପଡି ଆହତ ହୋଇଥିଲେ | ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ସେଠାରେ ତାଙ୍କର ଅବସ୍ଥା ଗୁରୁତ୍ତର ହେବାରୁ ତାଙ୍କୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି | ଘଟଣାସ୍ଥଳରେ ପୋଲିସ ପହଞ୍ଚି ଦୁର୍ଘଟଣାଗ୍ରସ୍ତ ସ୍କୁଟି କୁ ଜବତ କରି ତଦନ୍ତ କରୁଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
