ନିଆଁ ଲାଗି ଧାନ ଗଦା ପୋଡ
ଡାବୁଗାଁ, ୧୮/୧୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ମହେନ୍ଦ୍ରୀ ଗ୍ରାମରେ ସୋମବାର ଅପରାହ୍ନ ୪ ଘ ସମୟରେ ଧାନ ଗଦାରେ ନିଆଁ ଲାଗି ପୋଡି ଯାଇଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ ମହେନ୍ଦ୍ରୀ ଗ୍ରାମର ମନବୋଧ ଜାନୀ ଙ୍କ ଘର ପଛ ପଟ ଖଳାରେ ଧାନ ଗଦା କରି ରଖାଯାଇଥିଲା | ଆଜି ୪ ଘ ସମୟରେ ଧାନ ଗଦାରେ ଧୀରେ ଧୀରେ ନିଆଁ ଲାଗି ଧୂଆଁ ବାହାରିବାରୁ ଘରେ ଥିବା ମହିଳା ମାନେ ବାହାରରେ ଯାଇ ଦେଖିଥିଲେ ଯେ ଧାନ ଗଦା ରେ ନିଆଁ ଲାଗିଛି | ଧାନ ଗଦା ପାଖରେ ଥିବା ଅମଳ ହୋଇଥିବା ମକାରେ ମଧ୍ୟ ନିଆଁ ଲାଗି ଯାଇଥିଲା | ମହିଳା ମାନେ ପାଟି କରି ଲୋକଙ୍କୁ ଡାକିଥିଲେ | ପାଟି ଶୁଣି ଲୋକେ ଆସି ନିଆଁ କୁ ଲିଭାଇବାକୁ ଚେଷ୍ଟା କରିଥିଲେ | ପରେ ଡାବୁଗାଁ ଅଗ୍ନିସମ କେନ୍ଦ୍ର କୁ ଖବର ଦେଇଥିଲେ | ଖବର ପାଇ ଅଗ୍ନିସମ ଗାଡି ପହଞ୍ଚି ନିଆଁ କୁ ଆୟତ୍ତ କରିଥିଲା | ନିଆଁ ଲାଗି ୩ ଏକର ଜମିରେ ଚାଷ ହୋଇଥିବା ଧାନ ପୋଡି ନଷ୍ଟ ହୋଇଯାଇଛି | ଏଥିରେ ଆନୁମାନିକ ପ୍ରାୟ ୪୦ କୁଇଣ୍ଟାଲରୁ ଊର୍ଦ୍ଧ୍ଵ ଧାନ ଓ ପ୍ରାୟ ୨ କୁଇଣ୍ଟାଲ ମକା ନଷ୍ଟ ହୋଇଥିବା ଚାଷୀ ମାନେ ପ୍ରକାଶ କରିଛନ୍ତି | ଏଥିରେ ଡାବୁଗାଁ ଅଗ୍ନିସମ କେନ୍ଦ୍ର ଅଧିକାରୀ ହିମାଂଶୁ ଶେଖର ନାୟକ ଓ କର୍ମଚାରୀ ପ୍ରସନ୍ନ ବିଶ୍ଵାଳ, ଲକ୍ଷ୍ମୀଧର ଜାନୀ, ହେମନ୍ତ ମାଝି, ମାନସିଂ ଶବର, ନିର୍ମଳ ଚନ୍ଦ୍ର ତରିଆ ପ୍ରମୁଖ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
