ଘରେ ନିଆଁ ଲାଗି ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ
କର୍ଲାମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ଅନ୍ତର୍ଗତ ତେରେସିଂହା ଗ୍ରାମ ବେଲପଡ଼ା ସ୍ଥିତ ଲିଙ୍ଗରାଜ ନାଗଙ୍କ ଘରେ ଗୁରୁବାର ଦିନ ଦି’ପହର ରେ ନିଆଁ ଲାଗି ଲକ୍ଷାଧିକ ଟଙ୍କାର ଆସବା ପତ୍ର ପୋଡ଼ି ନଷ୍ଟ ହୋଇ ଯାଇଛି l ସେହି ସମୟରେ ଘରେ କେହି ନ ଥିବା ବେଳେ ଏହି ଘଟଣା ଘଟିଥିଲା l ନିଆଁର ବେଗ ଏତେ ତୀବ୍ର ଥିଲା ଯେ ଅଳ୍ପ ସମୟ ମଧ୍ୟରେ କାଠବାକ୍ସ, ଆଲମାରୀ, ପଲଙ୍କ, ସିଲେଇ ମସିନ, କୁଲର, ଦାମୀ ଶାଢ଼ୀ, ପୋଷାକ ସହ ଅନେକ ଘରୋଇ ଉପକରଣ (ସାମଗ୍ରୀ) ପୋଡ଼ି ଯାଇଥିଲା l ନିଆଁକୁ ଲିଭାଇବାକୁ ସ୍ଥାନୀୟ କିଛି ଯୁବକଙ୍କ ଚେଷ୍ଟା ସତ୍ୱେ ଅନେକ ନଷ୍ଟ ହୋଇ ସାରିଥିଲା l ଦମକଳ ପହଞ୍ଚିଲା ବେଳକୁ ସ୍ଥାନୀୟ ଯୁବକ ମାନେ ନିଆଁକୁ ଆୟତ୍ତ କରି ପାରିଥିଲେ l ବିଦ୍ୟୁତ ସଟ୍ ସର୍କିଟ ଯୋଗୁଁ ନିଆଁ ଲାଗିଥିବା କୁହା ଯାଉଛି l ଘରେ ନିଆଁ ଲାଗିବା ଦ୍ୱାରା ଦୁଇ ଲକ୍ଷ ଟଙ୍କାର କ୍ଷୟକ୍ଷତି ହୋଇଛି ବୋଲି ଶ୍ରୀ ନାଗ ମତ ପ୍ରକାଶ କରିବା ସହ ସହାୟତା ଯୋଗାଇ ଦେବାକୁ ଅନୁରୋଧ କରିଛନ୍ତି l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
