ମାନସିକ ଅନଗ୍ରସର ବିଦ୍ୟାଳୟ ପରିଦର୍ଶନ କଲେ ମୋ ଅନୁଷ୍ଠାନ ସମ୍ପାଦକ
ଖଇରା,୧୫/୧୨/୨୫ – ବାଲେଶ୍ଵର ଜିଲ୍ଲା ଖଇରା ବ୍ଲକ କଣ୍ଟାବଣିଆ ସ୍ଥିତ ମାନସିକ ଅନଗ୍ରସର ବିଦ୍ୟାଳୟ ପରିଦର୍ଶନ କଲେ ମୋ ଅନୁଷ୍ଠାନ ସାହିତ୍ୟ ସଂସଦ ସମ୍ପାଦକ ନରେନ୍ଦ୍ର ପ୍ରସାଦ ବେହେରା । ଅନୁଷ୍ଠାନର କର୍ମକର୍ତ୍ତା ମାନଙ୍କ ଠାରୁ ବିଦ୍ୟାଳୟରେ ରହୁଥିବା ପିଲା ମାନଙ୍କ ବିଷୟରେ ପଚାରି ବୁଝିଥିଲେ । ଛୋଟ ବଡ଼ ମିଶି ମୋଟ ୬୦ ଜଣ ପିଲା ଥିବାର ଜାଣିବାକୁ ମିଳିଛି । ବାସ୍ତବରେ ପିଲା ମାନଙ୍କୁ ଦେଖି ବହୁତ ଦୁଃଖ ଅନୁଭବ କରିଛନ୍ତି ସମ୍ପାଦକ ଶ୍ରୀ ବେହେରା । ମୋ ଅନୁଷ୍ଠାନ ସାହିତ୍ୟ ସଂସଦ ତରଫରୁ ନିଜ ଜିଲ୍ଲା ସହିତ ରାଜ୍ୟର ବିଭିନ୍ନ ସ୍ଥାନ ଓ ଜିଲ୍ଲାରେ ସମାଜଜସେବା କାର୍ଯ୍ୟକ୍ରମ ଜାରି ରହିଛି । ଶୀତ ଦାଉରୁ ରକ୍ଷା ନିମନ୍ତେ ଅନୁଷ୍ଠାନ ନିଜର ସାମର୍ଥ୍ୟ ଅନୁସାରେ ଶୀତବସ୍ତ୍ର ଅର୍ଥାତ କମ୍ବଳ ସହିତ ଯାହାକିଛି ସମ୍ଭବ ପ୍ରଦାନ କରିଚାଲିଛି । ଏଥିପାଇଁ ପୂର୍ଣ୍ଣ ସହଯୋଗ କରୁଛନ୍ତି ସମାଜସେବୀ ତଥା ମୋ ଅନୁଷ୍ଠାନ କାର୍ଯ୍ୟକାରୀ ସଭାପତି ଭଉଣୀ କୁଞ୍ଜଲତା ମାହୁନ୍ତ । ତାଙ୍କ ସାହାଯ୍ୟ ଓ ସହଯୋଗ ପ୍ରକୃତ ପକ୍ଷେ ଅବର୍ଣ୍ଣନୀୟ । ସାହିତ୍ୟ, ସମ୍ବାଦ ଓ ସମାଜସେବାକୁ ପାଥେୟ କରି ଆଗେଇ ଚାଲିଛି । ଉକ୍ତ ସମାଜସେବା କାର୍ଯ୍ୟ ପାଇଁ ଅନୁଷ୍ଠାନ ବାହାରୁ କେହି କେହି ବି ସ୍ବଇଚ୍ଛାରେ ସାହାଯ୍ୟର ହାତ ବଢାଉଛନ୍ତି । ଆଗାମୀ ଦିନରେ ଉକ୍ତ ବିଦ୍ୟାଳୟର ପିଲା ମାନଙ୍କ ପ୍ରତି ଅନୁଷ୍ଠାନ ପକ୍ଷରୁ କି ପ୍ରକାର ସେବା ପ୍ରଦାନ କରାଯାଇ ପାରିବ ସଦସ୍ୟ/ସଦସ୍ୟା ମାନଙ୍କ ସହିତ ଆଲୋଚନା ପରେ ନିଷ୍ପତ୍ତି ନାହିଁଆଯିବ ବୋଲି ସମ୍ପାଦକ ନରେନ୍ଦ୍ର ପ୍ରସାଦ ବେହେରା ବିଦ୍ୟାଳୟ ପରିଚାଳନା କମିଟିକୁ ଜଣାଇଛନ୍ତି ।।
ବାଲେଶ୍ଵର ଖଇରାରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
