ଜୁନାପାଣି ଧାନ ମଣ୍ଡିରୁ ଉଠିଲାନି ଧାନ, ଖୋଲା ଆକାଶ ତଳେ ପଡି ରହିଛି ଚାଷୀ ଙ୍କ ଧାନ
ଡାବୁଗାଁ, ୧୬/୧୨ (ମ.ନି.ସ.)- ଓଡିଶାର ମୁଖ୍ୟମନ୍ତ୍ରୀ ଚଳିତ ବର୍ଷ ଚାଷୀ ମଣ୍ଡିରେ ଧାନ ବିକ୍ରି କରି ଧାନ ଦର କୁଇଣ୍ଟାଲ ପିଛା ୨୩୦୦ଟଙ୍କା ଓ ଇନପୁଟ ବୋନସ ୮୦୦ ଟଙ୍କାକୁ ମିଶାଇ କୁଇଣ୍ଟାଲ ପିଛା ମୋଟ ୩୧୦୦ ଟଙ୍କା ଚାଷୀ ପାଇବ ବୋଲି ଘୋଷଣା କରିଥିଲେ ଏବଂ ମଣ୍ଡିରେ ଚାଷୀ ଙ୍କ ଧାନ କଟନୀ ଛଟନୀ ନକରିବା ପାଇଁ ନିର୍ଦ୍ଦେଶ ଦେଇଥିଲେ | ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଜୁନାପାଣି ଠାରେ ଥିବା ଧାନ ମଣ୍ଡି ରେ ମିଲର ମାନଙ୍କ ଧାନ କଟନୀ ଛଟନୀ ପାଇଁ ସୋମବାର ଚାଷୀ ମାନଙ୍କ ଧାନ ମଣ୍ଡିରୁ ଉଠିପାରିନାହିଁ | ସୂଚନାଯୋଗ୍ୟ:- ଡାବୁଗାଁ ବ୍ଲକ ଅଧୀନ 
ଜୁନାପାଣି ଠାରେ ଥିବା ଧାନ ମଣ୍ଡିରେ ଆଜି ୬ ଜଣ ଚାଷୀ ନିଜର ଅମଳ କରିଥିବା ୩ ଶହ କୁଇଣ୍ଟାଲ ରୁ ଊର୍ଦ୍ଧ୍ଵ ଧାନ ମଣ୍ଡିରେ ବିକ୍ରି କରିବାକୁ ଆଣିଥିଲେ କିନ୍ତୁ କଟନୀଛଟନୀ ବିବାଦ ଯୋଗୁଁ ଚାଷୀ ଧାନ ବିକ୍ରି କରିପାରିନାହିଁ | ଏନେଇ ଚାଷୀ ମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା | ଉକ୍ତ ବିବାଦ ସକାଳ ୧୦ ଘ. ରୁ ସନ୍ଧ୍ୟା ୫ ଘ. ପର୍ଯ୍ୟନ୍ତ ଚାଲିଥିଲା | ଯେହେତୁ କୌଣସି ସମାଧାନ ନହେବାରୁ ଟୋକନ ପାଇଥିବା ୬ ଜଣ ଚାଷୀ ମଣ୍ଡିରେ ଧାନ ଛାଡି ନିଜ ଘରକୁ ଚାଲିଯାଇଥିଲେ | ଏଥିରେ ମିଲର ମାନେ ମଣ୍ଡିର ପ୍ରଥମ ଦିନରେ ୮ କିଗ୍ରା କଟନୀ କରିଥିଲେ | କିନ୍ତୁ ଉକ୍ତ ମଣ୍ଡିରେ ଧାନ ଓଜନ ମେସିନ ଛାଡିଦେଲେ ଧାନର ମାନ ନିର୍ଧାରଣ କରିବା ପାଇଁ କୌଣସି ଯନ୍ତ୍ରପାତି ମଣ୍ଡିରେ ନଥିଲା | ଏହାକୁ ଆଜି ବ୍ଲକ କୃଷକ ମହାସଂଘ ବିରୋଧ କରି ୩ କି.ଗ୍ରାରୁ ଅଧିକ କଟନୀ ନ କରିବାକୁ ପ୍ରତିବାଦ କରିଥିଲେ | ଉକ୍ତ ମଣ୍ଡିରେ ଡାବୁଗାଁ କୃଷକ ମହାସଂଘ ସଭାପତି ସତ୍ୟ ରଞ୍ଜନ ପାତ୍ର, ଉପ ସଭାପତି ରାଜେନ୍ଦ୍ର ମିଶ୍ର ଙ୍କ ସହ ବିଭିନ୍ନ ଗ୍ରାମରୁ ପ୍ରାୟ ୧୦୦ ରୁ ଊର୍ଦ୍ଧ୍ଵ ଚାଷୀ ଉପସ୍ଥିତ ଥିଲେ | ମଙ୍ଗଳବାର ଡାବୁଗାଁ ମଣ୍ଡିରେ ମଧ୍ୟ ପ୍ରତିବାଦ କରାଯିବ ବୋଲି ସଂଘ ର ସଭାପତି ଶ୍ରୀ ପାତ୍ର ସୂଚନା ଦେଇଛନ୍ତି | ନିୟନ୍ତ୍ରିତ ବଜାର କମିଟି ତରଫରୁ ବଜାର ପରିଦର୍ଶକ ସୁଶାନ୍ତ କୁମାର ପାଳ ଓ କର୍ମଚାରୀ ମାନେ ମାନେ ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
