ଗୋଳାମୁଣ୍ଡା/୧୧/୬/ମସିହା,// କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ ଖମାର ହଳଦୀ ପଞ୍ଚାୟତର ଘୋଟିଆ ଗ୍ରାମର ଦରଲୀପଡା ଠାରେ ଥିବା ସୋଲାର ପମ୍ପ ପାଣି ଟାଙ୍କି ଫାଟି ଯାଇଥିବା ଅଭିଯୋଗ ହୋଇଛି । ପଡାର କ୍ରିଷ୍ଣା ମାଝୀ (୧୧) ପିତା ଚଣ୍ଡି ପ୍ରସାଦ ମାଝୀ, ପାଣି ପିଇବାକୁ ଯାଇଥିବା ବେଳେ ହଠାତ ପାଣି ଟାଙ୍କି ଫାଟି ଯାଇଥିଲା,ହେଲେ ପିଲାଟିର ମୁଣ୍ଡ ଓ ମୁହଁରେ କ୍ଷତ ହୋଇଥିବା ବେଳେ ତାଙ୍କୁ ଧର୍ମଗଡ଼ ମେଡ଼ିକାଲ କୁ ଚିକିତ୍ସା ପାଇଁ ନିଆଯାଇଛି, କିନ୍ତୁ ସୋଲାର ପମ୍ପ ବିପଦ ମୁକ୍ତଥିବା କୁହାଯାଉଛି । ପାଣି ଟାଙ୍କି ଫାଟିବା ଦ୍ୱାରା ପାଖରେ ଥିବା ଘର ମାଲିକ ବେଣୁଧର ମାଝୀଙ୍କ 
ଘରର ଆଜବେଷ୍ଟର ଭାଙ୍ଗି ଘରେ ଥିବା ୬ବସ୍ତା ଧାନ ଭିଜି ଯାଇ ନଷ୍ଟ ହୋଇଥିବା ମଧ୍ୟ ପରିବାର ପକ୍ଷରୁ କୁହାଯାଇଛି । ଏହି ପାଣି ଟାଙ୍କିଟି ଗତ ଦୁଇ ମାସ ତଳେ ଜିଲ୍ଲା ପରିଷଦ ଫାଣ୍ଠି ଜରିଆରେ ନିର୍ମାଣ ହୋଇଥିଲା ହେଲେ ଏତେ ସ୍ୱଳ୍ପ ବ୍ୟବଧାନ ଭିତରେ କାହିଁକି ଫାଟିଲା ଏ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉଦବେଗ ପ୍ରକାଶ ପାଇଛି । ପାଣି ଟାଙ୍କି ଫାଟିବା କାରଣ ପଛରେ ନିମ୍ନମାନର ପ୍ଲାଷ୍ଟିକ ପାଣି ଟାଙ୍କି ଦେଇଥିବାରୁ ଭାଙ୍ଗି ଯାଇଛି ବୋଲି ଗ୍ରାମର ବୈକୁଣ୍ଠ ମାଝୀ, ସୀତାକାନ୍ତ ମାଝୀ,ଚୁଡ଼ାଦେବ ମାଝୀ, ପୁରୁଷୋତ୍ତମ ମାଝୀ, ହିମାଂଶୁ ମାଝୀ, କରୁଣାକାର ମାଝୀ, ଓ ଡମ୍ବରୁ ମାଝୀ ପ୍ରମୁଖ ଅଭିଯୋଗ ଆଣିଛନ୍ତି । ଏପଟେ ପାଣି ଟାଙ୍କି ଫାଟିବାରୁ ପାଣି ସମସ୍ୟା ଦେଖାଦେଇଛି । ପାନୀୟ ଜଳଯୋଗାଣ ବିଭାଗ ତୁରନ୍ତ ପଦକ୍ଷେପ ନେଇ ନୂତନ ପାଣି ଟାଙ୍କି ବସାଇବାକୁ ଗ୍ରାମବାସୀ ପକ୍ଷରୁ ଦାବି ହେଉଛି ।
ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ, ପ୍ରଗତିଶୀଳ ମସିହା
