କ୍ଲିନ୍ ଆଣ୍ଡ ଗ୍ରୀନ୍ ର ସଡକ ସୁରକ୍ଷା ମାସ ପାଳନ
ରାଉରକେଲା: ଚଳିତ ବର୍ଷ -୨୦୨୫ ଜାନୁୟାରୀ ମାସକୁ ସଡକ ସୁରକ୍ଷା ମାସ ରୂପେ ଏକ ସମ୍ପୂର୍ଣ୍ଣ ଜନ ଅଭିଯାନ କାର୍ଯ୍ୟକ୍ରମ ପାଳନ କରିବାକୁ ଓଡିଶା ସରକାର ନିର୍ଣ୍ଣୟ ନେଇଛନ୍ତି । ଦିନକୁ ଦିନ ବଢୁଥିବା ସଡକ ଦୁର୍ଘଟଣା ଓ ମୃତ୍ୟୁର ବର୍ଦ୍ଧିତ ହାରକୁ ଦୃଷ୍ଟିରେ ରଖି ସ୍ଥାନୀୟ ‘ପରିବହନ ବିଭାଗ’ ରାଉରକେଲାର ବିଭିନ୍ନ ଅନୁଷ୍ଠାନ ମାନଙ୍କୁ ଏହି କାର୍ଯ୍ୟକ୍ରମରେ ସହଯୋଗ କରି ସରକାରଙ୍କ ମୂଖ୍ୟ ଆଭିମୁଖ୍ୟ ପ୍ରତ୍ୟେକ ଜନସାଧାରଣ ” ସୁରକ୍ଷିତ ଭାବରେ ଘରକୁ ଫେରନ୍ତୁ, ର ଉଦ୍ଦେଶ୍ୟ ସଫଳ କରାଇବା ପାଇଁ 
ଦାୟିତ୍ଵ ଦେଇଛନ୍ତି । ଏହି କ୍ରମରେ “କ୍ଲିନ ଓ ଗ୍ରୀନ” ତରଫରୁ ଛୋଟ ପ୍ରତିନିଧି ଦଳ ଏକ ସୌଜନ୍ୟମୂଳକ ସାକ୍ଷାତ ‘ପରିବହନ ବିଭାଗ’ ର ବରିଷ୍ଠ ଅଧିକାରୀ ମାନଙ୍କୁ ଭେଟ କରି ଅତୀତରେ ବିଭାଗ ସହିତ ମିଳିତ ସହଯୋଗରେ କରିଥିବା କାର୍ଯ୍ୟକ୍ରମ ଉପରେ ସମ୍ୟକ ଧାରଣା ଦେଇ ଭବିଷ୍ୟତରେ ମଧ୍ୟ ଏହା ଅନୁଷ୍ଠାନ ତରଫରୁ ଜାରି ରଖାଯିବ ବୋଲି ଦୃଢୋକ୍ତି ପ୍ରକାଶ କରିଥିଲେ ! ଏହି କ୍ରମରେ ହନୁମାନ ବାଟିକା ଛକରେ ” ସଡକ ସୁରକ୍ଷା ମାସ” ଉପଲକ୍ଷେ ଜନ ସଚେତନତା ପାଇଁ “କ୍ଲୀନ ଓ ଗ୍ରୀନ” ତରଫରୁ ଆୟୋଜିତ ଏବର୍ଷର ପ୍ରଥମ ‘ ସାମାଜିକ ସଚେତନତା ‘ ଅନ୍ତର୍ଗତ ସଡକ ସୁରକ୍ଷା କାର୍ଯ୍ୟକ୍ରମରେ ସାମିଲ୍ ହୋଇଥିଲେ। ଏହି ଅବସରରେ ମୂଖ୍ୟତଃ ଦୁଇ ଓ ଚାରି ଚକିଆ ବାହାନ ଚାଳକ ମାନଙ୍କୁ ହେଲମେଟ ଓ ସିଟ ବେଲଟ ପିନ୍ଧିବା ,ଦ୍ରୁତ ଚାଳନା ନ କରିବା ତଥା ଗାଡି ଚଳାଇବା ସମୟରେ ମୋବାଇଲରେ ବ୍ୟବହାର ନ କରିବାକୁ ଉପଦେଶ ଦିଆଯିବା ସହିତ ପ୍ରଚାର ପତ୍ର ବଣ୍ଟା ଯାଇଥିଲା । ଏହି ସଚେତନତା କାର୍ଯ୍ୟକ୍ରମରେ ରାଉରକେଲାର ଟ୍ରାଫିକ ଡିଏସପି ଶ୍ରୀ ପୁରୁଷୋତ୍ତମ ଭୋଇ,ପରିବହନ ଅଧିକାରୀ ଶ୍ରୀ ବିପ୍ଳବ ସାମନ୍ତରାୟ, ଏମଭିଆଇ ମାନସ ରଞ୍ଜନ ପୃଷ୍ଟି ମାନଙ୍କ ସହିତ ‘କ୍ଲିନ ଓ ଗ୍ରୀନ’ର ଉପସଭାପତି ଜ୍ୟୋସ୍ନା ନାୟକ, ସମ୍ପାଦକ ପ୍ରଦୀପ ଦାସ , ସାଂଗଠନିକ ସମ୍ପାଦକ ହିମାଂଶୁ ଶେଖର ମହାପାତ୍ର ଏବଂ ବରିଷ୍ଠ ସଭ୍ୟ ମାନଙ୍କ ଉପସ୍ଥିତରେ ସୁରୁଖୁରୁରେ ପରିଚାଳନା ହୋଇଥିଲା ।ଶେଷରେ ଉପସ୍ଥିତ ବରିଷ୍ଠ ଅଧିକାରୀ ମାନେ ସେମାନଙ୍କ ବକ୍ତବ୍ୟରେ “କ୍ଲିନ ଓ ଗ୍ରୀନ”ର ଏଭଳି ଦୃଷ୍ଟାନ୍ତ ମୂଳକ ଉଦ୍ୟମକୁ ଭୂୟସୀ ପ୍ରସଂଶା କରିଥିଲେ ଏବଂ ଭବିଷ୍ୟତରେ ଏହିଭଳି ସଚେତନତା କାର୍ଯ୍ୟକ୍ରମ ପାଇଁ ବିଭାଗ ତରଫରୁ ସମ୍ପର୍କ ସହଯୋଗ ମିଳିବାର ଆଶ୍ୱାସନା ଦେଇ ଥିଲେ । ନିୟମିତ ସମୂହ ‘ଓଁ ‘ ଉଚ୍ଚାରଣ ପରେ ଜାତୀୟ ସଙ୍ଗୀତ ଗାନ କରାଯାଇଥିଲା ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
