ମୂଷାମରା ଔଷଧ ଖାଇ ମହିଳା ଙ୍କ ଆତ୍ମହତ୍ୟା
ଡାବୁଗାଁ, ୬/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ଖଲିଗୁଡା ଗ୍ରାମରେ ମୂଷାମରା ଔଷଧ ଖାଇ ଜଣେ ମହିଳା ଆତ୍ମହତ୍ୟା କରିଥିବା ନେଇ ସୋମବାର ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ ଖଲିଗୁଡା ଗ୍ରାମର ପ୍ରକାଶ ଚନ୍ଦ୍ର ବେନିଆ ରବିବାର ରାତ୍ରିରେ ରାତ୍ର ଭୋଜନ ସାରି ଗ୍ରାମରେ ଥିବା ଚର୍ଚ୍ଚରେ ପରିସରରେ ହେଉଥିବା ମେଲୋଡି ଦେଖିବାକୁ ଯାଇଥିଲେ | ଘରେ ତାଙ୍କ ସ୍ତ୍ରୀ ରଶ୍ମୀ ବେନିଆ (୩୦) ଏକୁଟିଆ ରହିଥିଲେ | ପ୍ରକାଶ ଆଜି ଭୋର ପ୍ରାୟ ୩ ଘ. ସମୟରେ ମେଲୋଡି ଦେଖି ଘରକୁ ଫେରିଥିଲେ | ଘରକୁ ଫେରିବା ପରେ ତାଙ୍କ ସ୍ତ୍ରୀ ଙ୍କ ସହ ଝଗଡା ହୋଇଥିଲା | ସକାଳ ପ୍ରାୟ ୬ ଘ. ସମୟରେ ସ୍ତ୍ରୀ ରଶ୍ମୀ ବାନ୍ତି କରିବାରୁ ପ୍ରକାଶ କଣ ହେଲା ବାନ୍ତି କରୁଛୁ ବୋଲି ପଚାରିବାରୁ ମୂଷାମରା ଔଷଧ ଖାଇ ଦେଇଛି ବୋଲି କହିଥିଲା | ଏହା ପରେ ପ୍ରକାଶ ତାଙ୍କ ସ୍ତ୍ରୀ ଙ୍କୁ ପାପଡାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ସେଠାରେ ଡାକ୍ତର ପରୀକ୍ଷା କରି ମୃତ ଘୋଷଣା କରିଥିଲେ | ଏନେଇ ମୃତକର ସ୍ଵାମୀ ପ୍ରକାଶ ଚନ୍ଦ୍ର ବେନିଆ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା ସବଇନିସ୍ପେକ୍ଟର ଚନ୍ଦନ ସାହୁ ଡାକ୍ତରଖାନାରେ ପହଞ୍ଚି ଶବ ଜବତ କରି ପଞ୍ଚନାମା କରି ବ୍ୟବଚ୍ଛେଦ ପାଇଁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ | ସେଠାରେ ଶବ ବ୍ୟବଚ୍ଛେଦ ପରେ ପରିବାର ଲୋକ ଏନଏନକୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୨/୨୫ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
