ରାଷ୍ଟ୍ରଭାଷା ପ୍ରଚାର ଏବଂ ବିକାଶ ସସ୍ଥାନ, ରାଉରକେଲାର କାର୍ଯ୍ୟକାରିଣୀ ବୈଠକ ଆୟୋଜିତ
ରାଉରକେଲା: ରାଷ୍ଟ୍ରଭାଷା ପ୍ରଚାର ଏବଂ ବିକାଶ ସସ୍ଥାନ, ରାଉରକେଲାର କାର୍ଯ୍ୟକାରିଣୀ ବୈଠକ ସେକ୍ଟର ୦୬ ସ୍ଥିତ ସସ୍ଥାନ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି । ଏଥିରେ ରଘୁନାଥପଲ୍ଲୀ ବିଧାୟକ ଦୁର୍ଗାଚରଣ ତନ୍ତୀଙ୍କୁ ମୁଖ୍ୟ ପରାମର୍ଶଦାତା ରୂପେ ,ସେବାନିବୃତ ମହାପ୍ରବନ୍ଧକ ଭାରପ୍ରାପ୍ତ ପି କେ ବିନ୍ଧାଣୀ ନବ ନିର୍ବାଚିତ ସଭାପତି ଭାବେ କାର୍ଯ୍ୟଭାର ଗ୍ରହଣ କରିଥିଲେ। ସମାଜସେବୀ ତଥା ଶିଳ୍ପପତି କମଲ ଅଗ୍ରୱାଲ ଓ ବିଶିଷ୍ଟ ସମାଜସେବୀ ତଥା ରାଉରକେଲା ଚାମ୍ବର ଅଫ୍ କମର୍ସର ପୂର୍ବ ସଭାପତି ସୁନିଲ୍ କାୟଲ ସସ୍ଥାନର ଟ୍ରଷ୍ଟି ତଥା ପୃଷ୍ଠପୋଷକ ଭାବେ ଦାୟିତ୍ଵ ଗ୍ରହଣ କରିଥିଲେ । ରାଷ୍ଟ୍ରଭାଷା ପ୍ରଚାର ଓ ପ୍ରସାରକୁ ତ୍ୱରାନ୍ୱିତ କରିବା ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି ନିଷ୍ପତ୍ତି ନିଆଗଲା। ଆଗାମୀ ହିନ୍ଦୀ ଦିବସ ପୂର୍ବରୁ ସବ୍ ଜୁନିଅର,ଜୁନିଅର ଓ ସିନିଅର ତିନୋଟି ଗ୍ରୁପ୍ କରି ହିନ୍ଦୀ ରଚନା,ବକ୍ତୃତା ଓ ତର୍କ ପ୍ରତିଯୋଗିତା ଆୟୋଜନ କରିବାକୁ ନିଷ୍ପତ୍ତି ନିଆଯାଇଥିଲା । ଚତୁର୍ଥ,ପଞମ ଶିଶୁ,ଷଷ୍ଠ,ସପ୍ତମ,ଅଷ୍ଟମ- ବାଲ୍ ଓ ନବମ,ଦଶମ,ଏକାଦଶ,ଦ୍ୱାଦଶଙ୍କୁ କିଶୋର ଭାବେ ତିନି ଭାଗରେ ବିଭାଜନ କରିବା ପାଇଁ ସ୍ଥିର କରାଗଲା।ପ୍ରତିଯୋଗିତାର ବିଷୟବସ୍ତୁ ପ୍ରତିଭାଗୀମାନଙ୍କୁ ଏକ ସପ୍ତାହ ପୂର୍ବରୁ ଜଣାଇଦେବାକୁ ନିଷ୍ପତ୍ତି ନିଆଗଲା ।ପ୍ରତିଯୋଗିତାରେ ବିଜୟୀ ପ୍ରତିଭାଗୀଙ୍କୁ ପ୍ରଥମ,ଦ୍ଵିତୀୟ,ତୃତୀୟ ଓ ତିନୋଟି ସାନ୍ତ୍ବନା ପୁରସ୍କାର ହିନ୍ଦୀ ଦିବସ ଅବସରରେ ପ୍ରଦାନ କରିବା ପାଇଁ ସ୍ଥିର କରାଗଲା । ଇଂରାଜୀ ମାଧ୍ୟମ ବିଦ୍ୟାଳୟ ଓ କଲେଜର ବିଦ୍ୟାର୍ଥୀମାନଙ୍କୁ ରାଷ୍ଟ୍ରଭାଷା ରତ୍ନ ପରୀକ୍ଷା ପାଇଁ ପ୍ରୋତ୍ସାହିତ କରିବା ପାଇଁ ନିଷ୍ପତ୍ତି ନିଆଗଲା । ସଭାପତି,ଟ୍ରଷ୍ଟି ଗଣ ରାଷ୍ଟ୍ରଭାଷା ପ୍ରଚାର ଏବଂ ପ୍ରସାରକୁ ତ୍ୱରାନ୍ୱିତ କରିବା ପାଇଁ ନିଜର ମତାମତ ରଖିଥିଲେ। ପ୍ରାରମ୍ଭରେ ସସ୍ଥାନର ମ୍ୟାନେଜିଙ୍ଗ ଟ୍ରଷ୍ଟି ତଥା ସମ୍ପାଦକ ଡ ଜଗନ୍ନାଥ ଦାଶ ସମସ୍ତଙ୍କୁ ସ୍ଵାଗତ ଜଣାଇବା ସଙ୍ଗେ ସଙ୍ଗେ ବୈଠକ ଆୟୋଜନର ଉଦ୍ଦେଶ୍ଯ ସମ୍ପର୍କରେ ଆଲୋକପାତ କରିଥିଲେ । ଶେଷରେ ନବ ନିର୍ବାଚିତ ଉପ ସଭାପତି ପ୍ରଭାତ କୁମାର ମିଶ୍ର ଧନ୍ଯବାଦ ଅର୍ପଣ କରିଥିଲେ । ବୈଠକରେ ବିନୀତା ବିନ୍ଧାଣୀ,ରଶ୍ମି ଦାଶ,ଶରତ ଚନ୍ଦ୍ର ପଣ୍ଡା, ସୁଦର୍ଶନ ପ୍ରସାଦ,ମଙ୍ଗଳ ସିଙ୍ଗ, ସୁଶ୍ରୀ ସୁଷ୍ମିତା ପାଲ୍,ପ୍ରବୀର କୁମାର ଦୁବେ ପ୍ରମୁଖ ଯୋଗଦାନ କରିଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
