ଫୁଲଭଟ୍ଟା ଗ୍ରାମରେ ଆୟୁଷ୍ମାନ ଆରୋଗ୍ୟ ଶିବିର ଅନୁଷ୍ଠିତ
ଡାବୁଗାଁ, ୨୦/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଳକ ଜବାଗୁଡା ଗ୍ରାମ ପଞ୍ଚାୟତ ଅଧୀନ ଫୁଲଭଟ୍ଟା ଗ୍ରାମରେ ଥିବା ଆୟୁଷ୍ମାନ ଆରୋଗ୍ୟ ମନ୍ଦିର ପରିସରରେ ଆୟୁଷ୍ମାନ ଆରୋଗ୍ୟ ଶିବିର ସୋମବାର ଅନୁଷ୍ଠିତ ହୋଇଯାଇଛି l ଏହି ଅବସରରେ ରାବଣାଗୁଡା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଡା. ଅସିତ କୁମାର କର ଓ ଫୁଲଭଟ୍ଟା ଆୟୁଷ୍ମାନ ଆରୋଗ୍ୟ ମନ୍ଦିର କମ୍ୟୁନିଟି ହେଲଥ୍ ଅଫିସର ମନୋଜ କୁମାର ସୁନା ଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଡାବୁଗାଁ “ମା ଗୃହ” ର ମହିଳା ସ୍ଵାସ୍ଥ୍ୟ କର୍ମୀ ବିମଳା ଟାକ୍ରୀ ଓ କାମକଳା ଭତ୍ରl ଙ୍କ ସହ ସମ୍ପୃକ୍ତ ଆୟୁଷ୍ମାନ ମନ୍ଦିର ଅଧୀନରେ ଥିବା ୮ ଜଣ ଆଶାକର୍ମୀ ମାନଙ୍କ ସହଯୋଗରେ ରକ୍ତ ଚାପ, ସୁଗାର, ଗର୍ଭ ପରୀକ୍ଷା ଓ ବିଭିନ୍ନ ରୋଗର ନିରୁପଣ କରାଯାଇ ଡାକ୍ତରଙ୍କ ପରାମର୍ଶ ରୋଗ ନିଦାନ ଔଷଧ ପତ୍ର ଚିଠା ପ୍ରସ୍ତୁତ କରାଯିବା ପରେ ଔଷଧ ବିତରଣ କରାଯାଇ ସ୍ଵାସ୍ଥ୍ୟ ପରୀକ୍ଷା ସମ୍ପୂର୍ଣ୍ଣ ମାଗଣା ରେ କରାଯାଇଥିଲା l ଏପରି ପ୍ରତି ମାସରେ ଆୟୁଷ୍ମାନ ଆରୋଗ୍ୟ ଶିବିର କରାଯାଉଛି | ସମ୍ପୃକ୍ତ ଶିବିରରେ ଆଖ ପାଖ ଅଞ୍ଚଳରୁ ୧୩୪ ଜଣ ବିଭିନ୍ନ ପ୍ରକାର ରୋଗର ପରୀକ୍ଷା ମାଗଣା ରେ କରାଇ ସ୍ଵାସ୍ଥ୍ୟ ପରୀକ୍ଷା ସହ ମାଗଣାରେ ଔଷଧ ବଣ୍ଟନ କରଯାଇଥିଲା l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
