ଔପଦା ଡିଗ୍ରୀ ମହାବିଦ୍ୟାଳୟରେ ଜାତୀୟ ସେବା ସଂସ୍ଥା(ଏନଏସ୍ଏସ) ର ଶୀତ କାଳୀନ ଶିବିରର ଶୁଭ ଉଦ୍ଘାଟନ
ବାଲେଶ୍ଵର,୨୪/୧/୨୫ – ବାଲେଶ୍ବର ଜିଲ୍ଲା ଔପଦା ସ୍ଥିତ ଔପଦା ଡ଼ିଗ୍ରୀ ମହାବିଦ୍ୟାଳୟ ପରିସରରେ ଜାତୀୟ ସେବା ସଂସ୍ଥା (NSS) ର ଶୀତ କାଳୀନ ଶିବିରର ଶୁଭ ଉଦ୍ଘାଟନ ହୋଇଯାଇଛି । ଏହା ୭ ଦିନ ଧରି ଚାଲିବ । ତଳକିଆ ଗାଆଁକୁ ମଡେଲ ଭିଲେଜ୍ ଭାବେ ଗ୍ରହଣ କରିଛି ଡିଗ୍ରୀ ମହାବିଦ୍ୟାଳୟ । ମହାବିଦ୍ୟାଳୟର ଅଧ୍ୟକ୍ଷ ମୋହନ ଚରଣ ସାହୁ ଏବଂ ଯୁକ୍ତ ଦୁଇର ଇତିହାସ ବିଭାଗ ଅଧ୍ୟାପକ ଆଦିତ୍ୟ ନାରାୟଣ ଆଚାର୍ଯ୍ୟ ମିଳିତ ଭାବେ ଜାତୀୟ ସେବା ସଂସ୍ଥାର ପତାକା ଉତ୍ତୋଳନ କରି ପିଲାମାନଙ୍କୁ ଉଦବୋଧନ ଦେଇଥିଲେ । ସଂସ୍କୃତ ବିଭାଗର ଅଧ୍ୟାପକ ଦ୍ବାରିକା ନାଥ ଶତପଥୀ ପ୍ରୋଗ୍ରାମ ଅଫିସର ଭାବେ ସମସ୍ତ କାର୍ଯ୍ୟ ସୁପରିଚାଳନା କରିଥିଲେ । ଅଧ୍ୟାପକ କମଳାକାନ୍ତ ଦାସ, ପୂର୍ଣ୍ଣଚନ୍ଦ୍ର ନାୟକ, ହରିହର ପଣ୍ଡା, ଲକ୍ଷ୍ମୀନାରାୟଣ ଦାସ, ସବିତା ମହାରଣା, ଅଧ୍ୟାପିକା ବନିସା ମୁଦୁଲି, ପୁଷ୍ପାଞ୍ଜଳି ବିଶ୍ଵାଳ, ପ୍ରବାସିନୀ ବେହେରା ଓ ରଞ୍ଜିତା ପଳେଇଙ୍କ ସମେତ କର୍ମଚାରୀ ରମେଶ ଚନ୍ଦ୍ର ବିଶ୍ଵାଳ ସହାୟତା ପ୍ରଦାନ କରିଥିଲେ । କଲେଜ୍ ରେ ଏହା ପ୍ରଥମ ଶିବିର ହୋଇଥିବାରୁ ପିଲା ମାନଙ୍କ ମଧ୍ୟରେ ନୂତନ ଉଦ୍ଦୀପନା ସୃଷ୍ଟି ହୋଇଥିଲା । ଏଥିରେ ସୁଧାରାଣୀ ବାରିକ୍, ଶୁଭସନ୍ଧ୍ଯା ସେଠୀ, ଅଭିଭା ନାୟକ, ବର୍ଷାରାଣୀ ଗିରି, ସୁଲେଖା ବେହେରା, ନୀଳକଣ୍ଠ ଦାସ, ବୃନ୍ଦାବନ ବେହେରା, ଦେବାଶିଷ ନାୟକ, ଶୁଭମ୍ ଶେଖର ସାହୁଙ୍କ ସମେତ ୫୦ ଜଣରୁ ଉର୍ଦ୍ଧ୍ବ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ । ଲୋକମାନଙ୍କ ମଧ୍ୟରେ ସଚେତନତା ସୃଷ୍ଟି କରିବା ଏହାର ଉଦ୍ଦେଶ୍ୟ । ରକ୍ତ ଦାନ ଶିବିରର ମଧ୍ୟ ଆୟୋଜନ କରାଯିବାର ବ୍ୟବସ୍ଥା ହୋଇଛି ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
