ଅବସରପ୍ରାପ୍ତ ପଞ୍ଚାୟତ ନିର୍ବାହୀ ଅଧିକାରୀମାନଙ୍କ ବନ୍ଧୁ ମିଳନ କାର୍ଯ୍ୟକ୍ରମ
ଡାବୁଗାଁ, ୨୪/୧ (ମ.ନି.ସ.)- ନବରଙ୍ଗପୁର ଜିଲା ଝରିଗାଁ ବ୍ଲକ ଅଧୀନ ବିଡ୍ରି ମନ୍ଦିର ନିକଟ ପଡିଆରେ ଅବସରପ୍ରାପ୍ତ ପଞ୍ଚାୟତ ନିର୍ବାହୀ ଅଧିକାରୀମାନଙ୍କ ବନ୍ଧୁ ମିଳନ କାର୍ଯ୍ୟକ୍ରମ ଶୁକ୍ରବାର ଅନୁଷ୍ଠିତ ହୋଇଯାଇଛି | ଏଥିରେ ଅବସରପ୍ରାପ୍ତ ପଞ୍ଚାୟତ ନିର୍ବାହୀ ଅଧିକାରୀ ନିତ୍ୟାନନ୍ଦ ନାୟକ ଙ୍କ ଆହ୍ଵାନକ୍ରମେ ଅନୁଷ୍ଠିତ ବୈଠକରେ ଅବସରପ୍ରାପ୍ତ ପଞ୍ଚାୟତ ନିର୍ବାହୀ ଅଧିକାରୀ ମାନଙ୍କ ବ୍ୟକ୍ତିଗତ ସମସ୍ୟା, ଅବସର ପରେ ମଧ୍ୟ ଦୀର୍ଘ ଦିନ ହେଲା ପେନସନ ନମିଳିବା ଉପରେ ଆଲୋଚନା କରାଯାଇଥିଲା | ବ୍ଲକ ଏବଂ ଜିଲା ସ୍ତରରେ ଅବସରପ୍ରାପ୍ତ ପଞ୍ଚାୟତ ନିର୍ବାହୀ ଅଧିକାରୀ ଙ୍କର କାଗଜପତ୍ର ପଡି ରହିଥିବା ବେଳେ ଜିଲା ସ୍ତରୀୟ ଅଧିକାରୀ ମାନେ ଗୁରୁତ୍ଵ ଦେଉନଥିବା ଯୋଗୁଁ ଅବସର ପ୍ରାପ୍ତ କର୍ମଚାରୀ ମାନଙ୍କ ମଦୟରେ ଅସନ୍ତୋଷ ପ୍ରକାଶ କରିଥିଲେ | ଉଚ୍ଚ ନ୍ୟାୟଳୟର ନିର୍ଦ୍ଦେଶ କୁ ବ୍ଲକ ଓ ଜିଲା ସ୍ତରୀୟ ଅଧିକାରୀ ମାନେ ମାନୁ ନଥିବା ଅଭିଯୋଗ କରିଛନ୍ତି | ସୂଚନାଯୋଗ୍ୟ- ୩୧ ମାର୍ଚ୍ଚ ୨୦୧୯ ରେ ବାଞ୍ଛାନିଧି ଟାକ୍ରି, ୩୧ ମେ ୨୦୨୧ ସୁବାସ ଚନ୍ଦ୍ର ଡଙ୍ଗରୀ ଓ ୩୧ ମେ ୨୦୨୩ ମସିହାରେ ଅବସର ଗ୍ରହଣ କରିଥିଲେ ମଧ୍ୟ ଆଜି ପର୍ଯ୍ୟନ୍ତ ପେନସନ ପାଇ ନାହାଁନ୍ତି | ଏଥିରେ ଅତିଥି ଭାବେ ପଞ୍ଚାୟତ ନିର୍ବାହୀ ଅଧିକାରୀ ସଂଘ ସଭାପତି ଦୟାନିଧି ଦାଶ, ସାଧାରଣ ସମ୍ପାଦକ କୈଳାସ ସିଂ ଶିଂଘାର ଙ୍କ ସମେତ ପ୍ରାୟ ଜିଲରୁ ମୋଟ ୫୦ ଜଣ ଅବସରପ୍ରାପ୍ତ ପଞ୍ଚାୟତ ନିର୍ବାହୀ ଅଧିକାରୀ ମାନେ ଯୋଗ ଦେଇଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
