ସମନ୍ଵିତ ମତ୍ସ୍ୟଚାଷ ତାଲିମ ଶିବିର
ଡାବୁଗାଁ, ୨୯/୧ (ମ.ନି.ସ.)- ନବରଙ୍ଗପୁର ଜିଲା ସଦରମହକୁମାସ୍ଥିତ ଜିଲା ମତ୍ସ୍ୟ ଅଧିକାରୀଙ୍କ କାର୍ଯ୍ୟ|ଳୟ ସଭାଗୃହରେ କୋରାପୁଟ ସମବାୟ କେନ୍ଦ୍ର ପକ୍ଷରୁ ପ୍ରାଥମିକ ମତ୍ସ୍ୟଜୀବୀ ସମବାଯ ପରିଷଦର ସଦସ୍ୟ ଓ କର୍ମକର୍ତ୍ତାଙ୍କ ନିମନ୍ତେ ସମନ୍ଵିତ ମତ୍ସ୍ୟଚାଷ ସମ୍ବନ୍ଧରେ ଏକ ଦିବସୀୟ 
ତାଲିମ ଶିବିର କୋରାପୁଟ ସମବାୟ କେନ୍ଦ୍ର ଅଧ୍ୟକ୍ଷ ସଞ୍ଜୟ କୁମାର ପାତ୍ର ଙ୍କ ଅଧ୍ୟକ୍ଷତାରେ ବୁଧବାର ଅନୁଷ୍ଠିତ ହୋଇଯାଇଛି | ଏଥିରେ ନବରଙ୍ଗପୁର ଜିଲା ମତ୍ସ୍ୟ ଅଧିକାରୀ ବିଷ୍ଣୁ ଚରଣ କିଶାନ ମୁଖ୍ୟ ଅତିଥି ଭାବେ ଯୋଗ ଦେଇ ସମନ୍ଵିତ ମତ୍ସ୍ୟଚାଷ ର ଉପକାରିତା ବିଷୟରେ ଆଲୋଚନା କରିବା ସହ, ମତ୍ସ୍ୟଜୀବୀ ସମବାୟ ସମିତିର ପରିଚାଳନା, ମତ୍ସ୍ୟଜୀବୀ ମାନଙ୍କ ନିମନ୍ତେ ବିଭିନ୍ନ ସରକାରୀ ଯୋଜନା ବିଷୟରେ ବିସ୍ତୃତ ଭାବେ ଆଲୋଚନା କରିଥିଲେ | କୋରାପୁଟ କେନ୍ଦ୍ର ସମବାୟ ବ୍ୟାଙ୍କ ନବରଙ୍ଗପୁର ଶାଖା ପରିଚାଳକ ଦେବ ପ୍ରସାଦ ଦାଶ ଯୋଗ ଦେଇ ବ୍ୟାଙ୍କ ମାଧ୍ୟମରେ ଦିଆଯାଉଥିବା ବିଭିନ୍ନ ଋଣ ବିଷୟରେ ଆଲୋକପାତ କରିଥିଲେ | ଏହି ତାଲିମ ଶିବିରରେ କୋରାପୁଟ ସମବାୟ ପରିଚାଳନା କେନ୍ଦ୍ର ଅଧ୍ୟାପିକା ମମତା ସାହୁ, ସହକାରୀ ମତ୍ସ୍ୟ ଅଧିକାରୀ ଇତିଶ୍ରୀ ସାହୁ, ସଞ୍ଜନା ସାମଲ, ଶୁଭେନ୍ଦ୍ର କୁମାର ଦାଶ, ବିଶ୍ଵଜିତ ସରକାର ଓ ବିଜୟ କୁମାର ମାଝି ଏବଂ ନବରଙ୍ଗପୁର ଜିଲାର ୬ ଟି ପ୍ରାଥମିକ ମତ୍ସ୍ୟଜୀବୀ ସମବାୟ ସମିତି ର ପରିଚାଳନା ସଦସ୍ୟ ଓ କର୍ମକର୍ତ୍ତା ମାନେ ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
