ବାଙ୍ଗାଲୋରରେ ଓଡ଼ିଆ ଶ୍ରମିକଙ୍କ ଅକାଳ ମୃତ୍ୟୁ
ଖଇରା,୨୯/୧/୨୫ – ବାଲେଶ୍ବର ଜିଲ୍ଲା ଖଇରା ବ୍ଲକ ସାରୁଗାଁ ପଞ୍ଚାୟତ ମିଟୁଆଣି ଗ୍ରାମର ଚିତ୍ତରଞ୍ଜନ ମହାପାତ୍ରଙ୍କ ଏକମାତ୍ର ରୋଜଗାରକ୍ଷମ ପୁତ୍ର ହେମନ୍ତ କୁମାର ମହାପାତ୍ର(୩୮) ଆଜକୁ ୧୦ ବର୍ଷ ହେବ ବାଙ୍ଗାଲୋରର ଏକ ଘରୋଇ କମ୍ପାନୀରେ ଶ୍ରମିକ ଭାବେ କାର୍ଯ୍ୟ କରୁଥିଲେ । ଗତ ୨୭ ତାରିଖ ଦିନ ହଠାତ୍ ପେଟ ଯନ୍ତ୍ରଣା ହେବାରୁ ସଙ୍ଗେ ସଙ୍ଗେ ତାଙ୍କୁ ନିକଟସ୍ଥ ଘରୋଇ ମେଡ଼ିକାଲକୁ ଚିକିତ୍ସା ନିମନ୍ତେ ନିଆଯାଇଥିଲା । କିଛି ସମୟ ଚିକିତ୍ସା ପରେ ତାଙ୍କ ମୃତ୍ୟୁ ଘଟି ଥିବାର ଡାକ୍ତର ଘୋଷଣା କରିଥିଲେ । ପରେ ଏକ ଆମ୍ବୁଲାନ୍ସ ଯୋଗେ ମୃତ ଶରୀରକୁ ନିଜ ଗ୍ରାମକୁ ଅଣାଯାଇଥିଲା । ମୃତଦେହ ଘରେ ପହଞ୍ଚିବା ପରେ ଶୋକାକୋଳ ପରିବେଶ ସୃଷ୍ଟି ହୋଇଥିଲା । ପରିବାରର ଏକମାତ୍ର ରୋଜଗାରିଆ ପୁତ୍ରକୁ ହରାଇ ସମ୍ପୂର୍ଣ୍ଣ ପରିବାର ଦୁଃଖରେ ଭାଙ୍ଗି ପଡିଛନ୍ତି । ଖବର ପାଇ ତାଙ୍କର ବିଧବା ପତ୍ନୀ ସମେତ ୨ ପୁଅ ଓ ୧ ଝିଅ ଅଛନ୍ତି । ଖବରପାଇ ଜିତେନ୍ଦ୍ର ସାହୁ, ବୈକୁଣ୍ଠ ମହାପାତ୍ର, ପ୍ରଭାକର ଦତ୍ତ, ବସନ୍ତ ସାହୁଙ୍କ ସମେତ ଗ୍ରାମବାସୀ ଉପସ୍ଥିତ ରହି ଶେଷ ଦର୍ଶନ କରିଥିଲେ । ବେସାହାରା ପରିବାରକୁ ସହାୟତା ଯୋଗାଇ ଦେବାକୁ ଗ୍ରାମବାସୀ ମାନେ ଦାବି କରିଛନ୍ତି ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
