ଲିଟିଲ ପ୍ଲାୱାର ସ୍କୁଲର ୨୪ତମ ବାର୍ଷିକ ଉତ୍ସବ ପାଳିତ
– ମୟୂରଭଞ୍ଜ : // – ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ପୌରପରିଷଦ ଅନ୍ତର୍ଗତ ଅଗ୍ରଣୀ ଇଂଲିଶ ମିଡିୟମ ଶିକ୍ଷା ଅନୁଷ୍ଠାନ ଲିଟିଲ ପ୍ଲାୱାର ସ୍କୁଲର ୨୪ ତମ ବାର୍ଷିକ ଉତ୍ସବ ଧୁମଧାମ ରେ ପାଳିତ ହୋଇଯାଇଅଛି । ଉକ୍ତ ଉତ୍ସବ ରେ ମୁଖ୍ଯ ଅତିଥି ଭାବେ ରାଇରଙ୍ଗପୁର ଉପଖଣ୍ଡ ଉପଜିଲ୍ଲାପାଳ ସୌମ୍ୟରଂଜନ ପ୍ରଧାନ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ରାଇରଙ୍ଗପୁର ଗୋଷ୍ଟି ଶିକ୍ଷା ଅତିରିକ୍ତ ଅଧିକାରୀ କାର୍ତ୍ତିକ ଚନ୍ଦ୍ର କାରୁଆ ଯୋଗାଇଥିଲେ । ଏହା ବ୍ୟତୀତ ଲିଟିଲ ପ୍ଲାୱାର ସ୍କୁଲର ଟ୍ରଷ୍ଟ ସଭାପତି ଆରତୀ ମହାନ୍ତି ମଧ୍ଯ ଉପସ୍ଥିତ ଥିଲେ । କାର୍ଯ୍ୟକ୍ରମ ପ୍ରାରମ୍ଭ ରେ ଅତିଥି ମାନଙ୍କ ଦ୍ବାରା ବାର୍ଷିକ ଉତ୍ସବ ର ପ୍ରଦୀପ ପ୍ରଜ୍ଜ୍ଵଳନ କରାଯାଇଥିଲା । ପରେ ପରେ ଛାତ୍ରୀ ମାନଙ୍କ ଦ୍ବାରା ଅତିଥି ମାନଙ୍କ ଉଦ୍ଦେଶ୍ଯରେ ସ୍ବାଗତ ସଂଗୀତ ପରିବେଷଣ କରାଯାଇଥିଲା । କାର୍ଯ୍ୟକ୍ରମ ରେ ଶିକ୍ଷା ଅନୁଷ୍ଠାନ ର ସଂପାଦକ କାଳିପ୍ରସନ୍ନ ମହାନ୍ତି ଅତିଥି ମାନଙ୍କ ର ପରିଚୟ ପ୍ରଦାନ କରିବା ସହିତ ବାର୍ଷିକ ବିବରଣୀ ପାଠ କରିଥିଲେ । ମୁଖ୍ଯ ଅତିଥି ଛାତ୍ର ଛାତ୍ରୀଙ୍କ ଉଦ୍ଦେଶ୍ଯ ରେ କହିଥିଲେ କଠିନ ପରିଶ୍ରମ କର ଓ ଶିକ୍ଷା ପ୍ରତି ଆଗ୍ରହ ରଖିବା ସହିତ ଗୁରୁ ମାନଙ୍କ ର ଆଶୀର୍ବାଦ ଭିକ୍ଷା କଲେ ନିଶ୍ଚିତ ଦିନେ ଭଲ ମଣିଷ ଟି ହୋଇପାରିବ ବୋଲି କହିଥିଲେ । ସମ୍ମାନିତ ଅତିଥି ଶ୍ରୀଯୁକ୍ତ କାରୁଆ ତାଙ୍କ ଅଭିଭାଷଣ ରେ କହିଥିଲେ କି ଛାତ୍ର ମାନେ ଶିକ୍ଷାପ୍ରତି ଏକାଗ୍ରତା ଆବଶ୍ୟକ ଓ ପାଠ ହେଉକି ସାଠ ହେଉ ଯିଏ ଯେଉଁଥିରେ ପାରଙ୍ଗମ ହେବ ସିଏ ସେତିକି ଦେଶର ନାମ୍ ଳଖିବା ସହିତ ସମାଜରେ ଜଣେ ସେ ପ୍ରତିଷ୍ଠିତ ମେଧାବୀ ଛାତ୍ର ହୋଇପାରିବ । କାର୍ଯ୍ୟକ୍ରମ ପରିଶେଷରେ ମୁଖ୍ଯ ଅତିଥି ଙ୍କ ଦ୍ବାରା କୃତିତ୍ବ ଅର୍ଜନ କରିଥିବା ଛାତ୍ର ଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା । ପରେ ପରେ ଛାତ୍ର ଛାତ୍ରୀଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମ ରେ ସ୍କୁଲର ଅଧ୍ୟକ୍ଷ ଦେବ ବ୍ରତ ଦାସ ଓ ଉପାଧ୍ୟକ୍ଷ ଦୀଲ୍ଲୀପ କୁମାର ଷଡଙ୍ଗୀ ଛାତ୍ର ଛାତ୍ରୀଙ୍କ ଭବିଷ୍ୟତ ଗଠନ ସମ୍ପର୍କ ରେ ସରଳ ଉପାୟ କହିବା ସହିତ ଆଗାମୀ ଦିନର ଦେଶର ଉତ୍ତମ ନାଗରିକ ହେବା ପାଇଁ ମାର୍ଗଦର୍ଶନ କରିଥିଲେ । ପରିଶେଷରେ ସଂପାଦକ କାଳିପ୍ରସନ୍ନ ମହାନ୍ତି ବିଦ୍ୟାଳୟର ସମସ୍ତ ଛାତ୍ର ଛାତ୍ରୀ ଓ ଅଭିଭାବକ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମ କୁ ପରିଚାଳନା କରିଥିଲେ ଶିକ୍ଷୟତ୍ରୀ ପୁଷ୍ପଲତା ମହାନ୍ତି ଓ ଶିକ୍ଷକ ଦୂର୍ଗା ଚରଣ ମହାନ୍ତ । ସାଂସ୍କୃତିକ କାର୍ଯ୍ୟକ୍ରମ ରେ ଲିଟିଲ ପ୍ଲାୱାର ସ୍କୁଲର ସମସ୍ତ ଶିକ୍ଷକ ଓ କର୍ମଚାରୀଙ୍କ ସହଯୋଗ ରହିଥିଲା ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
