ଅନୁସୂଚିତ ଜନଜାତି ଓ ଜାତି ଉନ୍ନୟନ ବିଭାଗ ଷ୍ଟାଣ୍ଡିଂ କମିଟି ର ଡାବୁଗାଁ ବାଳିକା ଉଚ୍ଚ ବିଦ୍ୟାଳୟ ଗସ୍ତ
ଡାବୁଗାଁ, ୮/୨ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଜିଲା ଅନୁସୂଚିତ ଜନଜାତି ଓ ଜାତି ଉନ୍ନୟନ ବିଭାଗ ଦ୍ଵାରା ପରିଚାଳିତ ଡାବୁଗାଁ ସରକାରୀ ବାଳିକା ଉଚ୍ଚ ବିଦ୍ୟାଳୟ କୁ ଶନିବାର ଅପରାହ୍ନ ୧ ଘ. ବିଭାଗୀୟ ଷ୍ଟାଣ୍ଡିଂ କମିଟି ସମୟରେ ଗସ୍ତ କରିଥିଲେ | ଏଥିରେ ବିଭାଗୀୟ ଷ୍ଟାଣ୍ଡିଂ କମିଟି ଅଧ୍ୟକ୍ଷ ଡାବୁଗାଁ ବିଧାୟକ ମନୋହର ରନ୍ଧାରୀ, ସଭ୍ୟ ନବରଙ୍ଗପୁର ବିଧାୟକ ଗୌରୀ ଶଙ୍କର ମାଝି, ମାଲକାନଗିରି ବିଧାୟକ ନରସିଂହ ମାଡକାମୀ ଓ 
କୋଟପାଡ ବିଧାୟକ ରୂପୁ ଭତ୍ରା ପ୍ରମୁଖ ରହିଥିଲେ | ବିଦ୍ୟାଳୟ ପରିବେଶ ବୁଲି ଦେଖିବା ସହ ଛାତ୍ରୀ ମାନଙ୍କ ଖାଦ୍ୟପେୟ, ଦଶମ ପିଲାଙ୍କ ର ପରୀକ୍ଷା ପ୍ରସ୍ତୁତି,ପାଠ ପଢା ବିଷୟରେ ପଚାରି ବୁଝିଥିଲେ | ଏହାସହ ଛାତ୍ରୀ ମାନଙ୍କ ସହ କଥାବାର୍ତ୍ତା କରି ଗଣିତ ଓ ଇଂରାଜୀ ବିଷୟରେ କିଛି ପ୍ରଶ୍ନ ପଚାରିଥିଲେ ଏବଂ ସନ୍ତୋଷ ଜନକ ଉତ୍ତର ପାଇନଥିଲେ | ଏନେଇ ଗଣିତ ଓ ଇଂରାଜୀ ଶିକ୍ଷକ ଙ୍କୁ ତାଗିଦ କରିଥିଲେ ଛାତ୍ରୀ ମାନଙ୍କୁ ଭଲ କରି ପାଠ ପଢାଇବେ ଓ ଆଗାମୀ ଗସ୍ତ ସମୟରେ ଯେପରି ଛାତ୍ରୀ ମାନେ ଠିକ ଉତ୍ତର ଦେଇପାରିବେ | ଏହି ଗସ୍ତ ସମୟରେ ଆଦିବାସୀ ଉନ୍ନୟନ ସଂସ୍ଥା ପ୍ରକଳ୍ପ ପ୍ରଶାସକ ରାଜୀବ କୁମାର ସାହୁ, ଜିଲା ମଙ୍ଗଳ ଅଧିକାରୀ ପାଲକା ରବୀନ୍ଦ୍ର, ଡାବୁଗାଁ ବ୍ଲକ ବିଜେଡି ସଭାପତି ସୁରେନ୍ଦ୍ର ମିଶ୍ର, ଭାଜପା ର ଜି.ସତ୍ୟା ରାଓ, ବିଜେଡି ଓ ଭାଜପା କର୍ମୀ, ଶିକ୍ଷୟତ୍ରୀ ଶିକ୍ଷକ ମାନେ ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡା ଙ୍କ ରିପୋର୍ଟ
