ଧରାକୋଟ ରେ ରାମ ଚରିତ ମାନସ
ଆସିକା, ୮/୨/୨୫ // ଧରାକୋଟ ସ୍ଥିତ ରାମ ବନବାସ ମଠ ପରିସରରେ ସୀତା ସ୍ବାମୀ ସତସଙ୍ଗ କେନ୍ଦ୍ର ଆନୁକୁଲ୍ୟରେ ନଅ ଦିନ ଧରି ରାମ ଚରିତ ମାନସ ପାରାୟଣ ଓ ପ୍ରବଚନ କାର୍ଯ୍ୟକ୍ରମ ଆରମ୍ଭ ହୋଇଛି । ସତସଙ୍ଗ କେନ୍ଦ୍ର ର ଊନବିଂଶ ତମ ବାର୍ଷିକ ଉତ୍ସବ ପାଳନ ଅବସରରେ ପ୍ରତ୍ୟହ ଶ୍ରୀ ମହା ବିଷ୍ଣୁ ଙ୍କର ଘୃତ ଯଜ୍ଞ,ଦୀପ ଯଜ୍ଞ ଓ ଆର ଯଜ୍ଞ ଅନୁଷ୍ଠିତ ହେଉଛି। ଏହା ମଧ୍ୟରେ ପଣ୍ଡିତ ସନ୍ତୋଷ କୁମାର ଷଡଙ୍ଗୀ ଓ ସେଥି ବଂଶୀଧର ଦାସ ଙ୍କ ଦ୍ଵାରା 108 ହନୁମାନ ଚାଳିଶା ପାଠ କାର୍ଯ୍ୟକ୍ରମ ରହିଥିବା ବେଳେ ଏରେଣ୍ଡରା ର ଶ୍ରୀ ସୁଧୀର ମହାରାଜଜି,ଭୁବନେଶ୍ୱର ର ଶ୍ରୀ ନବୀନ ମହାରାଜଜୀ, ଶ୍ରୀପାଦ ଶ୍ରୀ ରାଜେନ୍ଦ୍ର ଦାସ ବ୍ରହ୍ମଚାରୀ,ବଡଗଡ ର ଶ୍ରୀମତୀ ସ୍ୱର୍ଣଲତା ମିଶ୍ର ବିଭିନ୍ନ ଦିନ ପ୍ରବଚନ ପ୍ରଦାନ କରିବାର କାର୍ଯ୍ୟକ୍ରମ ରହିଛି। ପଦ୍ମ ଚରଣ ବାରିକ,ଯୋଗେନ୍ଦ୍ର ଘୋଷ,ଗୋଲକ ବିହାରୀ ସାହୁ ଙ୍କ ସମେତ ଧରାକୋଟ ଗଡର ବହୁ ବ୍ୟକ୍ତି ଏଥିରେ ସକ୍ରିୟ ସହଯୋଗ ପ୍ରଦାନ କରୁଛନ୍ତି ।
ଆସିକା ରୁ ଶିବ ଶଙ୍କର ମିଶ୍ର ମସିହା ନ୍ୟୁଜ
