ପାଣିରେ ବୁଡି ୬ ବର୍ଷର ନାବାଳକ ମୃତ
ଡାବୁଗାଁ, ୭/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ବିଜାପୁର ନିକଟ ଗୁଚାଗୁଡା ଗ୍ରାମରେ ପାଣିରେ ବୁଡି ୬ ବର୍ଷର ଶିଶୁ ପୁତ୍ରର ମୃତ୍ୟୁ ଘଟିଥିବା ନେଇ ଗୁରୁବାର ରାତିରେ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ ବିଜାପୁର ନିକଟ ଗୁଚାଗୁଡା ଗ୍ରାମର ଦଇନୁ ଭତ୍ରା ଙ୍କ ଶିଶୁ ପୁତ୍ର ଦୂର୍ଯ୍ୟ ଭତ୍ରା (୬) ଗୁରୁବାର ଅପରାହ୍ନରେ ସାଙ୍ଗ ପିଲା ମାନଙ୍କ ସହ ଗ୍ରାମ ପାଖ ପୋଖରୀକୁ ଯାଇଥିଲା | ସେଠାରେ ଶୌଚ ସମୟରେ ଦୂର୍ଯ୍ୟ ର ଗୋଡ ଖସି ଯିବାରୁ ଗଭୀର ପାଣି ରେ ବୁଡି ଯାଇଥିଲା | ସାଙ୍ଗରେ ଥିବା ପିଲା ମାନେ ପାଟି କରିବା ସହ ଦୂର୍ଯ୍ୟର ପରିବାର ଲୋକଙ୍କୁ ଆସି ଖବର ଦେଇଥିଲା | ଏହାପରେ ପରିବାର ଲୋକ ଙ୍କ ସହ ଗ୍ରାମବାସୀ ମାନେ ପୋଖରୀ ପାଖରେ ପହଞ୍ଚି ଖୋଜାଖୋଜି କରିଥିଲେ କିନ୍ତୁ ପାଇନଥିଲେ ଓ ଡାବୁଗାଁ ଅଗ୍ନିସମ କେନ୍ଦ୍ରକୁ ଖବର ଦେଇଥିଲେ | ପରେ ଅଗ୍ନିସମ କର୍ମଚାରୀ ମାନେ ପହଞ୍ଚି ପାଣିରେ ଖୋଜାଖୋଜି କରି ଦୂର୍ଯ୍ୟ କୁ ଉଦ୍ଧାର କରି ଆଣି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରିଥିଲେ | ସେଠାରେ ଡାକ୍ତର ପରୀକ୍ଷା କରି ମୃତ ଘୋଷଣା କରିଥିଲେ | ରାତିରେ ମୃତ ଶିଶୁର ମା ଚମ୍ପା ଭତ୍ରା ଡାବୁଗାଁ ଥାନାରେ ଏତଲା ଦେଇଥିଲେ | ଶୁକ୍ରବାର ସକାଳୁ ଥାନା ଏଏସଆଇ ଚନ୍ଦ୍ରଶେଖର ହଜାରୀ ଡାକ୍ତରଖାନାରେ ପହଞ୍ଚି ମୃତ ଦେହ ଜବତ କରି ପଞ୍ଚନାମା କରି ବ୍ୟବଚ୍ଛେଦ ପାଇଁ ପଠାଇଥିଲେ | ପରେ ଶବ ବ୍ୟବଚ୍ଛେଦକରାଯାଇ ପରିବାର ଲୋକ ଙ୍କୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୫/୨୫ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
