ଶାମୁକା ସ୍ମତିରେ
ସମର୍ପି ଦେଇଛି ଶାମୁକା ସ୍ମୃତିରେ
ଶଙ୍ଖର ସ୍ୱପ୍ନ ଆଜି
ଆରବ୍ୟ ରାତ୍ରୀର ପ୍ରଣୟ ପ୍ରାସାଦେ
ମୋ ପ୍ରିୟା ଯାଇଛି ହଜି l
ରାକା ରଜନୀର ରାଜହଂସୀ ସିଏ
ଶତରୂପା ମଧୁମତି
ଓଢଣା ନଟାଣି ଓଠରେ ଫୁଟାଏ
ମୋନାଲିସା ପ୍ରତିକୃତି ।
ସବୁ ଦୁଃଖକୁ ମୁଁ ହଜେଇ ଦେଇଛି
ମନ ବିଜ୍ଞାନର ପଥେ
ଦୋସରା ଦିନର ସୁଖ ଆମର
ଯାଉଁଳି କବାଟେ ଦିଶେ ।
ସରି ଆସେ କଥା ପ୍ରୀତି ହେମଲତା
ଏଇମିତି ହସୁଥାଉ
ମାଳମାଳ ମଧୁ ମାଳତୀ ବାସ୍ନାରେ
ମହମହ ବାସୁଆଉ ।
କଳକଳ ତାର କୁଆଁରୀ କଣ୍ଠ
ଛଳଛଳ ତାର ଛଇ
ଅଧା ଦେଖା ମୋର ସ୍ୱପ୍ନରେ ରହିଛି
ତା ଚୋରା ଚୁମ୍ବନ ଛାଇ ।
କାଙ୍ଗାଳୀଚରଣ ସେଠୀ
ଯାଜପୁର