ଡାବୁଗାଁ, ୮/୧୦ ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ରେଭିନ୍ୟୁ ନୂଆଗୁଡାସ୍ଥିତ ପରଜା ବିକାଶ ପରିଷଦ ସଭାଗୃହ ଠାରେ ଜିଲା ଓଡିଶା ଆଦିବାସୀ ମହାସଂଘ ର ଏକ ବୈଠକ ମହାସଂଘ ର ଆବାହକ ରାଜମନ ଭତ୍ରା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି | ଏହି ବୈଠକରେ ପ୍ରତ୍ୟେକ ଆଦିବାସୀ ସମାଜ କୁ ଆଦିବାସୀ ମହାସଂଘ ରେ ସାମିଲ କରିବା ପାଇଁ ପ୍ରତ୍ୟେକ ସମାଜର ସଭାପତି ମାନଙ୍କ ମତାମତ ନିଆଯାଇଥିଲା | ସମସ୍ତ ସଭାପତି ମାନେ ମହାସଂଘରେ ସାମିଲ ହେବାପାଇଁ ନିଜ ନିଜର ସମ୍ମତି ଜଣାଇଥିଲେ | ଶୀଘ୍ର ସବୁ ସମାଜ ମହାସଂଘରେ ସାମିଲ ହେବା, ଜାତିଗତ ପ୍ରମାଣପତ୍ର ଓ ଅଣ ଆଦିବାସୀ ମାନେ ଆଦିବାସୀ ନାମରେ ସଂଘ ଗଠନ କରି ବିଭିନ୍ନ କାର୍ଯ୍ୟକ୍ରମମାନ କରୁଛନ୍ତି | ସେଗୁଡିକ କିପରି ବନ୍ଦ କରାଯିବ ସେ ନେଇ ଆଲୋଚନା କରଯାଇଥିଲା | ଏହି ବୈଠକରେ ଭତରା ସମାଜ ସଭାପତି ଅର୍ଜୁନ ଭତ୍ରା ଓ ସମ୍ପାଦକ ଜୟରାମ ଭତ୍ରା, ଅମନାତ୍ୟ ସମାଜ ସଭାପତି ଅର୍ଜୁନ ଅମନାତ୍ୟ ଓ ନିରଞ୍ଜନ ପୂଜାରୀ, ଭଞ୍ଜରା ସମାଜ ସଭାପତି ମିଟୁ ଭଞ୍ଜରା ଓ ସମ୍ପାଦକ ନାରାୟଣ ଭଞ୍ଜରା, ଭୁଞ୍ଜିଆ ସମାଜ ସଭାପତି ହରଲାଲ ଝାଙ୍କର ଓ ସମ୍ପାଦକ ସଞ୍ଜୟ ମାଝି, ଗଣ୍ଡ ସମାଜ ସଭାପତି ପୁନୀତରାମ ଗଣ୍ଡ ଓ ସମ୍ପାଦକ ଦଶରଥ ଗଣ୍ଡ, କୁଇ ବା କନ୍ଧ ସମାଜ ସଭାପତି ରବି ଜାନୀ, ପରଜା ସମାଜ ସଭାପତି ମଙ୍ଗଳାଦେଇ ଜାନୀ ଓ ସମ୍ପାଦକ ଭଗବାନ ଜାନୀ, ରାଜଗଣ୍ଡ ସମାଜ ରାଜ୍ୟ ସଭାପତି ଲଚ୍ଛମନ ମାଝି ଓ ଜିଲା ସଭାପତି ଭଦ୍ରୁ ମାଝି, ସୌରା ସମାଜ ସଭାପତି ଜଗତ ଜୀବନ ନାୟକ ଓ ସମ୍ପାଦକ ବଳରାମ ନାୟକ, ହଲବା ସମାଜ ସଭାପତି ଚନ୍ଦ୍ର ମହଲ ହଲବା ଓ ସମ୍ପାଦକ ଦେଓ କୁମାର ସମରଥ, ହଟିଆ ଗଣ୍ଡ ସମାଜ ସଭାପତି କାମେଶ୍ଵର ମାଝି , ଗାଦବା ସମାଜ ସଭାପତି ମଧୁ ଗାଦବା ଓ ଜିଲାରେ ବସବାସ କରୁଥିବା ପ୍ରାୟ ୧୩ ପ୍ରକାର ଜନଜାତି ସମାଜର ସଭାପତି ଓ ସମ୍ପାଦକ ମାନେ ଯୋଗ ଦେଇଥିଲେ | ଏହି କାର୍ଯ୍ୟକ୍ରମ କୁ ଡାବୁଗାଁ ଭତରା ବିକାଶ ପରିଷଦ ର ସଭାପତି ମୋହନ ନାୟକ ପରିଚାଳନା କରିଥିଲେ |
ପ୍ରଜ୍ଞାରଞ୍ଜନ ପରିଡା, ଡାବୁଗାଁ
