ବର ସାଜିବେ ପୂର୍ବତନ ସାଂସଦ ତଥା ବିଜେଡି ନେତା ପ୍ରଦୀପ ମାଝୀ
ନବରଙ୍ଗପୁର:(୧୧|୩)(ରବି ନାରାୟଣ ମହାନ୍ତି)ଖୁବଶୀଘ୍ର ସମର୍ଥନଙ୍କୁ ଖୁସି ଖବର ଦେବାକୁ ଯାଉଛନ୍ତି ପୂର୍ବତନ ସାଂସଦ ତଥା ବିଜେଡି ନେତା ପ୍ରଦୀପ ମାଝୀ l ସେ ବିବାହ ବନ୍ଧନରେ ବାନ୍ଧି ହେବାକୁ ଯାଉଥିବା ତାଙ୍କ ଅତ୍ୟନ୍ତ ନିକଟତମ ସୂତ୍ରରୁ ସୂଚନା ମିଳିଛି l ବିବାହକୁ ନେଇ ବାରମ୍ବାର ପ୍ରଶ୍ନକୁ ଟାଳି ଆସୁଥିଲେ ପ୍ରଦୀପ l ଶେଷରେ ସବୁ ଚର୍ଚ୍ଚା ଓ ଆଲୋଚନାର ବିଶ୍ରାମ ଘଟିଛି l ଆସନ୍ତା ୧୨ ରେ ତାଙ୍କର ହାତଗଣ୍ଠି ପଡିବ ବୋଲି ଜଣାପଡିଛି l ଭାବି ଜୀବନ ସାଥି କେନ୍ଦ୍ରପଡା ଅଞ୍ଚଳର ହୋଇଥିବା ବେଳେ ଏକ ବୈଦ୍ୟୁତିକ ଗଣମାଧ୍ୟମରେ କାର୍ଯ୍ୟ କରୁଥିବା ଚର୍ଚ୍ଚା ହେଇଛି l ତେବେ ବିବାହର ସେହି ସ୍ମରଣୀୟ ମୁହୂର୍ତ୍ତ ଦୁଇ ପରିବାର ଏବଂ ଅଳ୍ପ କିଛି ଘନିଷ୍ଠ ବନ୍ଧୁ ଓ ପରିଜନଙ୍କ ମଧ୍ୟରେ ସମ୍ପନ୍ନ ହେବ l ଏଥିପାଇଁ ଗୋଆରେ ସମସ୍ତ ଆୟୋଜନ ଶେଷ ହୋଇଯାଇଛି l ଆସନ୍ତାକାଲି ଉଭୟ ପରିବାର ଗୋଆରେ ପହଁଞ୍ଚିବା ପରେ ବିବାହର ବିଭିନ୍ନ ରୀତି ଆରମ୍ଭ ହେବ ବୋଲି ଖବର ମିଳିଛି l ଗଣମାଧ୍ୟମରେ ଏହି ବହୁ ପ୍ରତିକ୍ଷିତ ବିବାହକୁ ନେଇ ଚର୍ଚା ଆରମ୍ଭ ହୋଇଥିଲେ ସୁଦ୍ଧା ସବିଶେଷ ତଥ୍ୟ ହସ୍ତଗତ ହୋଇ ପାରି ନାହିଁ l ପ୍ରଦୀପଙ୍କ ସହ ଯୋଗାଯୋଗ କରିବା ପାଇଁ ଉଦ୍ୟମ କରାଯାଇଥିଲେ ସୁଦ୍ଧା ଯୋଗାଯୋଗ ସମ୍ଭବ ହୋଇପାରିନି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
