ବିଶ୍ଵ ସ୍ଵାସ୍ଥ୍ୟ ଦିବସ ପାଳିତ
ଡାବୁଗାଁ, ୭/୪ (ମ.ନି.ସ.)- ନବରଙ୍ଗପୁର ଜିଲ୍ଲା ଡାବୁଗାଁ ବ୍ଳକ ସଦରମହକୁମା ରେ ଥିବା ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟ ଗୃହରେ ଆଜି ସକାଳ ୯ ଘଣ୍ଟା ସମୟରେ ଛାତ୍ରଛାତ୍ରୀ ମାନଙ୍କୁ ନେଇ ବିଶ୍ଵ ସ୍ଵାସ୍ଥ୍ୟ ଦିବସ ପାଳିତ ଅବସରରେ ବ୍ୟାପକ ସଚେତନ କରାଯାଇଥିଲା l ଅଧ୍ୟାପକ ସନ୍ତୋଷ ସିଂ ଲାଲ ସ୍ୱାସ୍ଥ୍ୟ ଦିବସ ରେ ସ୍ଵାସ୍ଥ୍ୟ ର ଯତ୍ନ ନେଇ 
ସୁସ୍ଥ ଜୀବନ ଯାପନ କରିବା ଉପରେ ନିଜର ମତ ବ୍ୟକ୍ତ କରିଥିଲେ l ଅଧ୍ୟାପିକା ଶୁଭଲକ୍ଷ୍ମୀ ଭୂଷଣ ଛାତ୍ରଛାତ୍ରୀ ମାନଙ୍କୁ ଫାଷ୍ଟ ଫୁଡ ନ ଖାଇବା, ଅଧିକ ସମୟ ମୋବାଇଲ୍ ନ ଦେଖିବା, ସୁସମ ଖାଦ୍ୟ ଖାଇ ସ୍ଵାସ୍ଥ୍ୟକର ସୁସ୍ଥ ଉପରେ ବ୍ୟାପକ ଭାଷଣ ଦେଇଥିଲେ l ଅଧ୍ୟକ୍ଷ ରମେଶ ଚନ୍ଦ୍ର ନାହାକ ଆୟୁର୍ବଦିକେ ଗଛ ଲତା ର ଔଷଧୀୟ ଗୁଣ, ବ୍ୟାୟାମ, ପ୍ରାଣାୟାମ, ଖାଦ୍ୟ ଖାଇବା, ପାଣି ପିଇବା, ଝାଡ଼ା 
ଓ ପରିସ୍ରା ଯିବା ଉପରେ ସମସ୍ତ ପ୍ରକାରରେ ନୀତି ନିୟମ ଉପରେ ବ୍ୟାପକ ଭାବେ ବୁଝାଇଥିଲେ l ଗଛ ଲତା ମାନଙ୍କ ଭିତରେ ସଜନା ଗଛ ପତ୍ର ଓ ଛାଲି, ଅରଖ ଗଛର ପତ୍ର ଓ ଖିର ର ଉପକାରିତା, ଭୃସଙ୍ଗ ପତ୍ର,ପୋକଶୁଙ୍ଗା ଗଛ ର ପତ୍ର,ବରଗଛ କ୍ଷୀର ଓ ପତ୍ର, ଅପମାରଙ୍ଗ ଗଛ ଚେର ଓ ପତ୍ର, ଗଙ୍ଗଶିଉଳି ପତ୍ର, ପିଜୁଳି ପତ୍ର ଓ ଫଳ, ସଦା ବିହାରୀ ଗଛର ପତ୍ର ଫୁଲ, ପିଜୁଳି ଗଛର ପତ୍ର ଓ ଫଳ,ମନ୍ଦାର ଗଛ ର ପତ୍ର ଫୁଲ ଭିତରେ ଥିବା ଔଷଧୀୟ ଗୁଣ ବ୍ୟାପକ ଭାବେ ଅବଗତ କରାଇ ତାହାର ଲକ୍ଷ୍ୟ, ଉଦ୍ଦେଶ୍ଯ ଓ ଉପକାରିତା ଉପରେ ସୂଚନା ଦେଇଥିଲେ l ସ୍ଵାସ୍ଥ୍ୟ ଠିକ ଥିଲେ ମନ ଠିକ୍ ରହିବା ସହ ପାଠ ପଢିବା ରେ ମନ ଯୋଗ ନିଶ୍ଚୟ ରହିବ, ସେଥିପାଇଁ ସ୍ଵାସ୍ଥ୍ୟର ଯତ୍ନ ପ୍ରତି ପ୍ରତ୍ୟେକ ନେଇ ସୁସ୍ଥ ରହି ନିରୋଗ ଜୀବନ ଯାପନ କରିବା ଭଳି ଉପଦେଶ ପ୍ରଦାନ କରିଥିଲେ l ଅଧ୍ୟାପକ ପ୍ରଦୀପ ଭତ୍ରl, ପଦମ ଭତ୍ରl, କୈଳାଶ ମାଝୀ,ଲିପୁ ମାଝୀ, ଅଧ୍ୟାପିକା ଚିନ୍ମୟୀ ସୁନ୍ଦରା, ରଶ୍ମିତା ପାଢୀ ପ୍ରମୂଖ ମଞ୍ଚ ରେ ରହିଥିବା ବେଳେ ଅଧ୍ୟାପିକା ପ୍ରତିକ୍ଷା ପ୍ରିୟଦର୍ଶିନୀ ସ୍ୱାଇଁ ସୁନ୍ଦର ଭାବେ ମଞ୍ଚ ପରିଚାଳନା କରିଥିଲେ l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
