ରାଇରଙ୍ଗପୁର ରେ ୪୦ ତମ ୫ ଦୀଵସୀୟ ବାସନ୍ତୀକ ଦଶମୀ ପୂଜା ସଂପନ୍ନ
ମୟୂରଭଞ୍ଜ – ୭/୦୪ // ରାଇରଙ୍ଗପୁର ସହରର ମେଡିକାଲ ଛକ ନିକଟସ୍ଥ ଵାସନ୍ତୀପୂଜା ମଣ୍ଡପରେ ୪୦ ତମ ୫ ଦୀବସୀୟ ବାସନ୍ତୀକୁ ପୂଜା,ଅପରାଜିତା ପୂଜା,ଦଶମୀ ପୂଜା ମହାସମାରୋହରେ ଆଜି ସମ୍ପନ ହୋଇଛି । ଆକର୍ଷଣୀୟ ତୋରଣ, ସୁସଜ୍ଜିତ ଆଲୋକ ସଜ୍ଜା,ମା’ ବାସନ୍ତୀ ଦୁର୍ଗାଙ୍କ ମୃଣ୍ମୟ ମୂର୍ତ୍ତି, ପାର୍ଶ୍ଵ ଦେବାଦେବୀ, ଲକ୍ଷ୍ମୀ,ଗଣେଶ , କାର୍ତ୍ତିକ,ସରସ୍ବତୀ ଲୋଭନୀୟ ମୂର୍ତ୍ତି ଦେଖିବାକୁ ଆଖପାଖ ଅଂଚଳରୁ ହଜାର ହଜାର ମାନସିକଧାରୀ ଛୁଟି ଆସି ପୂଜାର୍ଚ୍ଚନା କରି ମା’ ଙ୍କ ଆଶୀର୍ବାଦ ନେବା ସହ ପରିବାରର ଓ ସମାଜର ମଙ୍ଗଳ କାମନା ପାଇଁ ପ୍ରାର୍ଥନା କରିଥିଲେ ।ବାସନ୍ତୀ ପୂଜା କମିଟି ତରଫରୁ ଅଷ୍ଟମୀ ଏବଂ ନବମୀ ଦୁଇ ଦିନ ଧରି ଭକ୍ତମାନଙ୍କୁ ଖିଚୁଡି , ତରକାରୀ ପ୍ରସାଦ ବଣ୍ଟନ କରା ଯାଇଥିଲା । ମୁଖ୍ୟ ପୂଜକ ଦେବବ୍ରତ ରଥ ମହାପାତ୍ର,ସହଯୋଗୀ ଜନନ ରଂଜନ ଦାସ ଏବଂ ଅନ୍ୟମାନେ ପୂଜାକାର୍ଯ୍ୟ କାର୍ଯ୍ୟକ୍ରମ କୁ ଯଥାରୀତି ନିତି ଅନୁସାରେ କରିଥିଲେ ।ଆଜି ଦଶମୀ ତିଥିରେ ଅପରାଜିତା ପୂଜା ଓ ପୂର୍ଣ୍ଣାହୁତି ଅପରାହ୍ନ ୧ ଘଟିକା ରେ ସମ୍ପନ୍ନ ହୋଇଥିଲା । ସମସ୍ତଙ୍କ ଆଖିରେ ଆଖିରେ ଜଳ ଜଳ ଲୁହ ପୁଣି ମା ‘ କେବେ ଆସିବ !ବାସନ୍ତୀ ପୂଜା କମିଟିର ସମସ୍ତ ସଦସ୍ୟ ଦିର୍ଘ ମାସେ ହେଲା ପୂଜା ପ୍ରସ୍ତୁତି ଆରମ୍ଭ କରି କଠିନ ପରିଶ୍ରମ କରି ଶେଷରେ ଶାନ୍ତି ଶୃଙ୍ଖଳାର ସହ ସମ୍ପନ୍ନ ହୋଇଥିବାରୁ ସମସ୍ତେ ବେଶ୍ ଖୁସ୍ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
