ବିପଦ
ଜୀବନ ଜଞ୍ଜାଳ ହୁଏ ଟଳମଳ ନୁହେଁ ସେ ସଳଖ ପଥ
ଜୀବନ ରାସ୍ତାରେ ମାଡି ଆସେ ଝଡ ବିପଦ ବୋଲି କି ଲେଖ।
ବିପଦ ଆସିଲେ ଡରି ଯିବା ନାହିଁ
ନଇଁ ନ ପଡ଼ିବା କେବେ
ଦୃଢ ମନୋବଳ ଅନ୍ତରେ ରଖିବା କାମ କରି ଯିବା ସର୍ବେ।
ବିପଦ ସମୟ ହେଲା ଉପଗତ ବନେ ଡାକିଲା ମୃଗୁଣୀ
ଗଜ ଉଦ୍ଧାରଣ କଲେ ଜଗନ୍ନାଥ ବିପଦରେ ନୀଳମଣି।
ବିପଦ ସମୟେ ସବୁ ଦେବାଦେବୀ ମା ଙ୍କୁ କଲେ ଜଣାଣ
ମହିଷାସୁର ନାଶ କରି ମା ମହିଷାମର୍ଦିନୀ ନାମ।
ବିପଦ ହାରିଣୀ ଜୟ ମା ତାରିଣୀ ସେହି ମା ଦଶଭୁଜା
ତାଙ୍କ ପାଦତଳେ ଶରଣ ପଶିଲେ ଉଡିବ କିରତି ଧ୍ବଜା।
ଜନରଞ୍ଜନପ୍ରଧାନ
ଆଳୋଇ
ବାଲିପାଟଣା
ଖୋର୍ଦ୍ଧା
