ବିଶ୍ବଶାନ୍ତି ପ୍ରତିଷ୍ଠା ପାଇଁ ପୂଜା ଓ ଜ୍ଞାନଯଜ୍ଞ କାର୍ଯ୍ୟକ୍ରମରେ ସଂଗଠନ, ସାମ୍ବାଦିକା ଓ ସାମ୍ବାଦିକ ସମ୍ବର୍ଦ୍ଧିତ
ଖଇରା,୧୭/୪/୨୫ – ବାଲେଶ୍ବର ଜିଲ୍ଲା ଖଇରା ବ୍ଲକ ମାଣତ୍ରୀ ପଞ୍ଚାୟତ ନାରାୟଣପୁର ଗ୍ରାମରେ ବିଶ୍ବଶାନ୍ତି ପ୍ରତିଷ୍ଠା ପାଇଁ ୨୨ତମ ଶ୍ରୀରାମ ଚରିତ ମାନସ ନବାନ୍ନ ପାରାୟଣ ପୂଜା ଓ ଜ୍ଞାନଯଜ୍ଞ ଅନୁଷ୍ଠିତ ହୋଇଯାଇଛି । ବ୍ଯାସମହାରାଜ ପ୍ରତାପ କିଶୋର ପଣ୍ଡା, ତନ୍ତ୍ରଧାରକ ପ୍ରଦୀପ କୁମାର ପାଢ଼ୀ, ଅନନ୍ତ କିଶୋର ପଣ୍ଡା, ପିତାମ୍ବର ମିଶ୍ର ଓ ଗୌତମ ପଣ୍ଡା ପୂଜା କାର୍ଯ୍ୟରେ ନିୟୋଜିତ ଥିଲେ । ପ୍ରବଚକ ଭାବେ ନୟାଗଡ଼ରୁ ପଣ୍ଡିତ ସୁଦାମ ଚରଣ ଦାଶ, ପୁରୀରୁ ପଣ୍ଡିତ ପ୍ରିୟପ୍ରସାଦ ମିଶ୍ର, କଟକରୁ ପଣ୍ଡିତ ଗତେଶ୍ବର ମିଶ୍ର ଓ ଚନ୍ଦନପୁର, ପୁରୀରୁ ହରିକଥା ସେବକ ନିରଞ୍ଜନ ମହାପାତ୍ରଙ୍କ ଦ୍ବାରା ପ୍ରବଚନ କାର୍ଯ୍ୟକ୍ରମ ଜାରି ରହିଥିଲା । ଉକ୍ତ ମହୋତ୍ସବ ଦୀର୍ଘ ୧୦ ଦିନ ଧରି ଶାନ୍ତି ଶୃଙ୍ଖଳାର ସହିତ ଚାଲିଥିଲା । ପ୍ରବଚନ ଓ ଜ୍ଞାନଯଜ୍ଞ ଦେଖିବା ପାଇଁ ଗ୍ରାମବାସୀ, ସମ୍ପୃକ୍ତ ଅଞ୍ଚଳବାସୀଙ୍କ ସମେତ ବିଭିନ୍ନ ଅଞ୍ଚଳରୁ ବହୁ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା । ପ୍ରତ୍ୟେକ ଦିନ ସମସ୍ତଙ୍କ ପାଇଁ ପ୍ରସାଦ ସେବନର ବ୍ଯବସ୍ଥା ହୋଇଥିଲା । କମିଟିର ସଭାପତି ରାମଚନ୍ଦ୍ର ହାତୀ, ଉଭ-ସଭାପତି ଲକ୍ଷ୍ମଣ ସାହୁ, ସମ୍ପାଦକ କମଳାକାନ୍ତ ତିଆଡି, ଉପ-ସମ୍ପାଦକ ରମେଶ କୁମାର ଯେନା, କର୍ତ୍ତା ସୁଦର୍ଶନ ତିଆଡି, କୋଷାଧ୍ୟକ୍ଷ ବୈକୁଣ୍ଠ ତିଆଡି, ବ୍ଯବସ୍ଥାପକ ଗୟାଧର ଦାସ, ଉପ-ବ୍ଯବସ୍ଥାପକ ମହେଶ୍ବର ରାଉତ, ରମେଶ ଚନ୍ଦ୍ର ଶିଅଳ ଓ ସୁଧାକର ଯେନାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଶୃଙ୍ଖଳିତ କାର୍ଯ୍ୟକ୍ରମରେ ସମସ୍ତେ ଆନନ୍ଦ ଉପଲବ୍ଧି କରିଥିଲେ । ଭକ୍ତ ମାନଙ୍କ ଦ୍ବାରା କଳସ ଅଣାଯାଇ ପୂଜା କାର୍ଯ୍ୟ ହୋଇଥିଲା । ମାନସ କମିଟିର ସମସ୍ତ ସଦସ୍ୟ/ସଦସ୍ଯା ଓ କର୍ତ୍ତା ସୁଦର୍ଶନ ତିଆଡିଙ୍କ ଦ୍ବାରା ଶାନ୍ତି ଶୃଙ୍ଖଳାରେ ପୂଜାକାର୍ଯ୍ୟ ଏବଂ ପୂଜା ମଣ୍ଡପ ପରିଚାଳନା ହୋଇଥିଲା । ବୀର ବଜରଙ୍ଗବାଲୀ ସଙ୍ଗଠନର ସଦସ୍ୟ ଓ କର୍ମକର୍ତ୍ତା ମାନେ ଆରମ୍ଭରୁ ଶେଷ ପର୍ଯ୍ୟନ୍ତ ସମସ୍ତ କାର୍ଯ୍ୟରେ ପୂର୍ଣ୍ଣ ସହଯୋଗ କରିଥିଲେ । ଉକ୍ତ କାର୍ଯ୍ୟକ୍ରମରେ ବିଭିନ୍ନ ସମାଜସେବା ସଂଗଠନ ଓ ସାମ୍ବାଦିକ ମାନଙ୍କୁ ସମ୍ବର୍ଦ୍ଧିତ କରିବା ପାଇଁ ସିଦ୍ଧାନ୍ତ ନେଇଥିଲା ମାନସ କମିଟି । କମିଟିର କର୍ତ୍ତା ସୁଦର୍ଶନ ତିଆଡ଼ି ଖଇରା ସ୍ଥିତ ” ମୋ ଅନୁଷ୍ଠାନ ସାହିତ୍ୟ ସଂସଦ ” ର କାର୍ଯ୍ୟକାରୀ ସଭାପତି ତଥା ସାମ୍ବାଦିକା ଭଉଣୀ କୁଞ୍ଜଲତା ମାହୁଁନ୍ତ ଏବଂ ସମ୍ପାଦକ ତଥା ସାମ୍ବାଦିକ ନରେନ୍ଦ୍ର ପ୍ରସାଦ ବେହେରା, ବଜରଙ୍ଗବଲୀ ସ୍ବେଚ୍ଛାସେବୀ ସଂଗଠନ, ନୂଆ ଏବଂ ବିଭିନ୍ନ ଅଞ୍ଚଳରୁ ଆସିଥିବା ସ୍ବେଚ୍ଛାସେବୀ ସଂଗଠନ ଗୁଡ଼ିକୁ ଉତ୍ତରୀୟ ଓ ଫୁଲତୋଡା ଦେଇ ସମ୍ବର୍ଦ୍ଧିତ କରିଥିଲେ । ଉକ୍ତ ସମ୍ବର୍ଦ୍ଧନା କାର୍ଯ୍ୟକ୍ରମ ସମୟରେ ବୀର ବଜରଙ୍ଗବାଲୀ ଓ ବଜରଙ୍ଗବଲୀ ସ୍ବେଚ୍ଛାସେବୀ ସଂଗଠନର ସମସ୍ତ ମେମ୍ବର ଉପସ୍ଥିତ ଥିଲେ । ସମ୍ବର୍ଦ୍ଧିତ ପ୍ରତିଭା ମାନେ କମିଟିର ଉତ୍ତରୋତ୍ତର ଉନ୍ନତି କାମନା କରିବା ସହିତ ଆଗାମୀ ଦିନରେ କମିଟିର ପ୍ରତ୍ୟେକ କାର୍ଯ୍ୟରେ ନିଜକୁ ପୂର୍ଣ୍ଣ ସହଯୋଗ କରିବେ ବୋଲି ମାନସ କମିଟିକୁ ପ୍ରତିଶ୍ରୁତି ଦେଇଛନ୍ତି । ଏଭଳି କାର୍ଯ୍ୟକ୍ରମ ଅଞ୍ଚଳ ପାଇଁ ଗର୍ବ ଓ ଗୌରବର ବିଷୟ ବୋଲି ଭକ୍ତ ତଥା ସମ୍ପୃକ୍ତ ଅଞ୍ଚଳବାସୀ ପ୍ରକାଶ କରିଛନ୍ତି । ମାନସ କମିଟିର ଆଜୀବନ ସଦସ୍ୟ, ସଭ୍ୟସଭ୍ଯା ଓ ନାରାୟଣପୁର ଗ୍ରାମବାସୀ କାର୍ଯ୍ୟକ୍ରମର ସଫଳତା, ସାହାଯ୍ୟ ଓ ସହଯୋଗକୁ ଅଶେଷ ଅଶେଷ ଧନ୍ୟବାଦ ଜଣାଇଛନ୍ତି ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
