ପ୍ରତୀକ୍ଷା
ଜୀବନ ଯାତ୍ରାରେ ଏ ଜୀବ କେବଳ
ପ୍ରତୀକ୍ଷାରେ ଥାଏ ରହି
ଚଲାପଥେ ପାଦ ପକାଇବା ନିତି
ସତର୍କ ସଜାଗ ହୋଇ ।।
ଗ୍ରୀଷମେ ଧରଣୀ ପ୍ରତୀକ୍ଷା କରଇ
ବରଷା ଆସିବା ପାଇଁ
ଜଳେ ଉବୁଟୁବୁ ହୋଇଗଲା ପରେ
ଶୀତ ଆସିଥାଏ ଧାଇଁ ।।
ପ୍ରତୀକ୍ଷାର କଷ୍ଟ ସହିଅଛି ଯିଏ
ପାଇଛି ମୂଲ ତାହାର
ଜ୍ଞାନୀ ଗୁଣୀ ଜନେ ଉତ୍ତମ ଚିନ୍ତନେ
ଅପେକ୍ଷାରେ ଥାନ୍ତି ତାର ।।
ଭକତ ଜନର ଅନ୍ତ ପ୍ରତୀକ୍ଷାର
ପ୍ରଭୁ ଦରଶନ ପାଇ
ଜନମ ପ୍ରତୀକ୍ଷା କରଇ ମୃତ୍ୟୁକୁ
ପ୍ରଭାତ ଭାସ୍କର ପାଇଁ ।।
ଶ୍ରମଣା ଶବରୀ ପ୍ରତୀକ୍ଷା ଶେଷରେ
ପ୍ରଭୁ ଶ୍ରୀରାମ ଭେଟିଲା
ଗୁରୁଙ୍କର ବାକ୍ୟ ଅନ୍ୟଥା ହୁଏନି
ଏ କଥା ପ୍ରମାଣ ହେଲା ।।
ଯୁଗେ ଯୁଗେ ହୁଏ ଧରମର ଜୟ
ଧରମ ପଥରେ ଥିଲେ
ପାଣ୍ଡବଙ୍କ ବ୍ୟଥା ଦୂର କଲେ ପ୍ରଭୁ
ବିଜୟ ମୁକୁଟ ଦେଲେ ।।
ଉତ୍ତମ କରମେ ପ୍ରତୀକ୍ଷା କରିଲେ
ଶାନ୍ତି ମୁକ୍ତି ଫଳ ମିଳେ
ଅକରମେ ଥିଲେ ସମୟ ଚାବୁକୁ
ବସିଥାଏ ଆସି ବଳେ ।।
ପ୍ରତୀକ୍ଷା କାହାକୁ ନକରି ଜୀବନେ
ଉତ୍ତମେ ବ୍ରତିଯେ ହୁଏ
ପ୍ରଭୁ କୃପା ନିଶ୍ଚେ ଝରିବ ମସ୍ତକେ
ସଫଳତା ଆସେ ଛାଏ ।।
ରତିନାରାୟଣ ରାଉତ
ହରିଚନ୍ଦନପୁର, କେନ୍ଦୁଝର