ଜଣାଣ
ମାନଗୋବିନ୍ଦ ସ୍ବାଇଁ
ରହି ଯାଆ ଗାଡ଼ି ମାଆ ପାଇଁ ନେବୁ
ନାଲି ଶଙ୍ଖା ଆଉ ଚୂଡି
ଘଟଗାଁ ରେ ଜାଚି କହିବୁ ମାଆକୁ
ଜଗତ ଦୁଃଖକୁ ଫେଡି।
ମା’ଅଛି ଯାହାର ଦୁଃଖ ନାହିଁ ତା’ର
ଖୁସିରେ କରି ଭ୍ରମଣ
ମା ପାଶେ ଶରଣ ମୋ ଆଶା ଭରଣ
ମା ପଦେ ମୋର ପ୍ରଣାମ।
ମାଆ ନାମ ଧରି ଶତ୍ରୁ ଗଲେ ଡରି
ମା’ ମୋ ଜୀବନ ସାହସ
ପଥ ଦିଏ କହି ଆଗ ଯିବା ପାଇଁ
ମାଆ ମୋପଥ ସନ୍ଦେଶ।
ମାଆ ଆଶୀର୍ବାଦ ସବୁଠି ମଙ୍ଗଳ
ହାରିବାର କେବେ ନାହିଁ
ଜୀବନ ସଫଳ ଦେଇ ଆଶୀର୍ବାଦ
ମାଆ ମୋ ମଙ୍ଗଳ ପାଇଁ।
ଯୁଆଡ଼େ ଯାଇଛି ମାଆ ପଦ ଧରି
ସ୍ମରଣ କଣ୍ଠେ ରହିଛି
ମାଆ ମନ୍ତ୍ର ଜପ ଉଚ୍ଚାରଣ କଲେ
ବିପଦ ଦୂରେ ଯାଇଛି।
ଗୋଜାବନ୍ଧ ମହାକାଳପଡ଼ା