ଖଇରା ମହାବିଦ୍ୟାଳୟର ସଂସ୍କୃତ ବିଭାଗ ତରଫରୁ ପ୍ରାକ୍ତନ ଅଧ୍ୟକ୍ଷଙ୍କୁ ବିଦାୟ ସମ୍ବର୍ଦ୍ଧନା
ଖଇରା,୦୩/୫/୨୫ -: ଖଇରା ମହାବିଦ୍ୟାଳୟର ସଂସ୍କୃତ ବିଭାଗ ତରଫରୁ ପ୍ରାକ୍ତନ ଅଧ୍ୟକ୍ଷ ନିରଞ୍ଜନ ପଣ୍ଡାଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଛି।ବର୍ତ୍ତମାନର ଭାରପ୍ରାପ୍ତ ଅଧ୍ୟକ୍ଷ ଲକ୍ଷ୍ମୀଧର ନାୟକଙ୍କ ସଭାପତିତ୍ୱରେ ସଂସ୍କୃତ ଅଧ୍ୟାପିକା ଚିନ୍ମୟୀ ପଣ୍ଡାଙ୍କ ଆନୁକୂଲ୍ୟରେ +୩ ପ୍ରଥମ, ଦ୍ୱିତୀୟ ଓ ତୃତୀୟ ବର୍ଷର ସଂସ୍କୃତ ସମ୍ମାନର ଆନ୍ତେବାସୀ ଛାତ୍ରଛାତ୍ରୀଙ୍କ ଦ୍ୱାରା ଏକ ବିଦାୟକାଳୀନ ସଭା ଅନୁଷ୍ଠିତ ହୋଇଥିଲା । ସର୍ବପ୍ରଥମେ ବିଭାଗୀୟ ମୁଖ୍ୟ ଚିନ୍ମୟୀ ପଣ୍ଡା ନିଜ ମତରେ ଗୁରୁ ଶ୍ରୀ ପଣ୍ଡାଙ୍କୁ କେହି ବିଦାୟ ଦେଇପାରିବେ ନାହିଁ ସେ ସର୍ବଦା ସମସ୍ତଙ୍କ ଅନ୍ତରରେ ରହିଛନ୍ତି ରହିବେ ମଧ୍ୟ ବୋଲି କହିଛନ୍ତି । ମୁଖ୍ୟ ବକ୍ତା ଦୀନବନ୍ଧୁ ଦେ ନିଜର ଅଭିଭାଷଣରେ ଶ୍ରୀ ପଣ୍ଡାଙ୍କ ଆଚରଣ ଉଚ୍ଚାରଣ ମୁର୍ତ୍ତିମନ୍ତ୍ର ବିଗ୍ରହ ଅଟନ୍ତି ବୋଲି କହିଥିଲେ । ପଞ୍ଚମ ବେଦର ପ୍ରମୁଖ ଡ଼ା. ସୁଜିତ ଛାଟିଆ ସଂସ୍କୃତ ବିନା ଜୀବସମାଜ ପଶୁତୁଲ୍ୟ ହୋଇଯିବ, ଏଣୁ ସମସ୍ତେ ସଂସ୍କୃତ ଉଚିତ ବେଦ, ମହାପୁରାଣ ଉପନିଷଦକୁ ଆଜି ସମୟରେ ଆପଣାଇବାକୁ ପଡ଼ିବ । ଫଳରେ ସମାଜ ଏକ ଉନ୍ନତ ସମାଜରେ ପରିଣତ ହୋଇପାରିବ । ଉପସ୍ଥିତ ଡା. ଉଦୟ ରଞ୍ଜନ ଦାସ ନିଜର ମତରଖି କହିଥିଲେ ଆଧ୍ୟାତ୍ମିକତା ହିଁ ଜୀବନର ଏକମାତ୍ର ଆଲୋକ ବର୍ତ୍ତିକା । ଅନୁଷ୍ଠାନର ବଡ଼ବାବୁ ଅକ୍ଷାଂଶୁ କୁମାର ଦଳାଇ, ଦେଵବ୍ରତୀ ଦାସ, ତୃପ୍ତିମୟୀ ଗିରି ପ୍ରଭୁତି ଯୋଗଦାନ କରିଥିଲେ । ଶେଷରେ ସଂସ୍କୃତ ବିଭାଗ ତରଫରୁ ମାନପତ୍ର ଉପଢୋକନ, ଫୁଲ ଗଛ ଦେଇ ସମ୍ମାନୀତ କରାଯାଇଥିଲା ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
