ରିଷିଡା ରେ ବ୍ଲକ ସ୍ତରୀୟ ଆର୍ଟ ଅଫ ଗିଭିଙ୍ଗ କାର୍ଯ୍ୟକ୍ରମ
କର୍ଲମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ରିଷିଡା ସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ “ଆର୍ଟ ଅଫ ଗିଭିଙ୍ଗ” (ଦେବାର କଳା) କାର୍ଯ୍ୟକ୍ରମ ମହାସମାରୋହରେ ଅନୁଷ୍ଠିତ ହୋଇ ଯାଇଛି l ଏହି କାର୍ଯ୍ୟକ୍ରମ ଟି ପୂର୍ବତନ କନ୍ଧମାଳ ସାଂସଦ ତଥା KIIT, KISS ଓ KIMS ର ପ୍ରତିଷ୍ଠାତା ଡଃ ଅଚ୍ୟୁତ ସାମନ୍ତ ଙ୍କ ଦ୍ୱାରା ୧୭ ମେ ୨୦୧୩ ମସିହା ଠାରୁ ଆରମ୍ଭ ହୋଇ ଥିଲା l ଡଃ ସାମନ୍ତଙ୍କ ଚିନ୍ତା ଧାରା ରେ ଆଜକୁ ଦୀର୍ଘ ୧୨ ବର୍ଷ ହେଲା ସାରା ବିଶ୍ଵର ୧୨୦ ଗୋଟି ଦେଶରେ ପାଳିତ ହେଉଅଛି l ଏହି ଅବସରରେ ରିଷିଡା ଠାରେ ଆୟୋଜିତ କାର୍ଯ୍ୟକ୍ରମ ରେ କଳାହାଣ୍ଡି କିସ ଆଲୁମିନି ତଥା ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟର ଶିକ୍ଷା ବିଭାଗର ଅଧ୍ୟାପକ ନିଳାମ୍ବର ପାତ୍ର ସଭାପତିତ୍ୱ କରିଥିଲେ l କିସ୍ କଳାହାଣ୍ଡି ର ଶିକ୍ଷୟତ୍ରୀ ଜ୍ୟେର୍ତିମୟୀ ରଣା ମଞ୍ଚ ପରିଚାଳନା କରିଥିଲେ l ମୁଖ୍ୟ ଅତିଥି ଭାବେ କର୍ଲମୁଣ୍ଡା ପ୍ରେସ କ୍ଲବ ସଭାପତି ତଥା ସାହିତ୍ୟିକ ନରୋତ୍ତମ ସେଲମା ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେ ଶିକ୍ଷକ ହିମାଦ୍ରୀ ଭୋଇ, ଜୟଦେବଭୋଇ ଓ କିସ ଆଲୁମିନି, ତଥା ତେରେସିଂହା ଡିଗ୍ରୀ କଲେଜ ର ରାଜନୀତି ବିଜ୍ଞାନ ଅଧ୍ୟାପକ ରବି ମାଝୀ, ଗ୍ରନ୍ଥାଗାର ଚିନ୍ମୟ ରଣା ପ୍ରମୁଖ ଯୋଗ ଦେଇଥିଲେ l କଳାହାଣ୍ଡି କିସ ର ଛାତ୍ରୀ ଅଭିଭାବକଗଣ ଓ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରଛାତ୍ରୀ ଯୋଗଦେଇଥିଲେ l ଜଗଦିଶ ଭୋଇ, ଲଲିତ କୁମାର ଦାସ, ପାଣ୍ଡବ ହରିଜନ ଓ କିସର ପୁରାତନ ଛାତ୍ର ପ୍ରବୀଣ ଭୋଇ ପ୍ରମୁଖ ସହଯୋଗ କରିଥିଲେ l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
