ବିବାହର ପ୍ରତିଶ୍ରୁତି ଦେଇ ଯୁବତୀଙ୍କୁ ଧର୍ଷଣ ନେଇ ଥାନାରେ ମାମଲା
ଡାବୁଗାଁ, ୨୨/୫ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଞ୍ଚଳରେ ବିବାହର ପ୍ରତିଶ୍ରୁତି ଦେଇ ଜଣେ ଯୁବତୀ ଧର୍ଷଣ ର ଶିକାର ହୋଇଥିବା ନେଇ ଗୁରୁବାର ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଞ୍ଚଳରେ ୨୨ ବର୍ଷୀୟ ଜଣେ ଯୁବତୀ ୨୦୧୯ ମସିହାରେ ତାଙ୍କ ଗ୍ରାମର ଚନ୍ଦନ ଭତ୍ରା ଙ୍କ ବନ୍ଧୁତା ସ୍ଥାପନ ହୋଇଥିଲା | ପରେ ୨ ଜଣଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା | ଯୁବକ ଜଣଙ୍କ ଯୁବତୀର ଅନିଚ୍ଛା ସତ୍ତ୍ୱେ ସମ୍ପର୍କ ଶାରେରୀକ ସମ୍ପର୍କ ରଖିଥିଲା | ଶାରେରୀକ ସମ୍ପର୍କ ରଖିବା ପରେ ଯୁବତୀକୁ ବିବାହର ପ୍ରତିଶ୍ରୁତି ଦେଇ ଏକଥା କାହାକୁ କହିଲେ ଜୀବନରେ ମାରିଦେବାକୁ ଧମକ ଦେଇଥିଲା | ଭୟରେ ଯୁବତୀ କାହାରୀକୁ କିଛି କହିନଥିଲେ | ଯୁବକ ଯୁବତୀ କୁ ଡରାଇ ବାରମ୍ବାର ଶାରେରୀକ ସମ୍ପର୍କ ରଖିଥିଲା | ଯାହା ଦ୍ଵାରା ଯୁବତୀ ଗର୍ଭବତୀ ହୋଇଥିଲେ | ଯୁବତୀ ଗର୍ଭବତୀ ହୋଇଥିବା ନେଇ ଯୁବକଙ୍କୁ ଜଣାଇବା ପରେ ଯୁବକ ଜଣଙ୍କ ଔଷଧ ଦେଇ ଯୁବତୀର ଗର୍ଭପାତ କରାଇଥିଲେ | ଯୁବକ ଅନ୍ୟ ଜଣେ ଯୁବତୀକୁ ବିବାହ କରିବା ଖବର ପାଇ ଯୁବତୀ ଜଣଙ୍କ ଯୁବକ ଙ୍କ ଘରକୁ ଯାଇ ବିବାହ କରିବାକୁ କହିଥିଲେ | ଏହାପରେ ଯୁବକ ଜଣଙ୍କ ଯୁବତୀ ଙ୍କୁ ନିଜ ଘରେ ରଖି ସ୍ଵାମୀ ସ୍ତ୍ରୀ ହୋଇ ରହିଥିଲେ | ଏପରି ରହିବା ପରେ କିଛି ଦିନ ତଳେ ଯୁବକ ଜଣଙ୍କ ଯୁବତୀଙ୍କୁ ନିଜ ଘରେ ଆଣି ଛାଡି ଚାଲି ଯାଇଥିଲେ | ପରେ ଗ୍ରାମରେ ବୈଠକ କରାଯାଇଥିଲା ସେଠାରେ ଯୁବକ ଜଣଙ୍କ ଯୁବତୀଙ୍କୁ ନିଜ ଘରକୁ ନେବେ ବୋଲି କହିଥିଲେ | କିନ୍ତୁ ଯୁବତୀ ଙ୍କୁ ନିଜ ଘରକୁ ନେଇନଥିଲେ | ୧୩/୫/୨୫ ଦିନ ସନ୍ଧ୍ୟାରେ ଯୁବକ ଜଣଙ୍କ ଯୁବତୀ ଘରକୁ ଆସି ନେଇଯିବ ବୋଲି କହିଥିଲା | କିନ୍ତୁ ରାତ୍ର ୧୧.୩୦ ସମୟରେ ଯୁବକ ଜଣଙ୍କ ଯୁବତୀଙ୍କ ଘରକୁ ଯୁବତୀଙ୍କୁ ଘର ର ବାଡି ପଛକୁ ନେଇ ଯୁବତୀଙ୍କ ବେକ ଚିପି ମାରିଦେବାକୁ ଉଦ୍ୟମ କରିବାରୁ ଯୁବତୀ ପାଟି କରିଥିଲେ | ଯାହା ଦ୍ଵାରା ଯୁବତୀଙ୍କ ପରିବାର ଲୋକେ ଓ ଆଖପାଖ ଲୋକେ ପହଞ୍ଚି ଯୁବତୀଙ୍କୁ ଉଦ୍ଧାର କରି ଘରକୁ ନେଇଥିଲେ | ଏ ନେଇ ପୀଡ଼ିତା ଗୁରୁବାର ସନ୍ଧ୍ୟାରେ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା କେସ ନଂ ୧୧୪/୨୫ ରେ ଏକ ମାମଲା ରୁଜୁ କରାଯାଇଛି | ଏଥିରେ ସମ୍ପୃକ୍ତ ଯୁବକ ଚନ୍ଦନ ଭତ୍ରା ଙ୍କୁ ଥାନାରେ ଅଟକ ରଖାଯାଇଛି | ଯୁବତୀ ଙ୍କୁ ଡାବୁଗାଁ ସ୍ଵଧାର ଗୃହରେ ରଖାଯାଇଛି | ଶୁକ୍ରବାର ଯୁବତୀ ଓ ଯୁବକ ଙ୍କର ଡାକ୍ତରୀ ମାଇନା କରାଯିବ | ଥାନା ସବଇନିସ୍ପେକ୍ଟର ଚନ୍ଦନ ସାହୁ ଉକ୍ତ ମାମଲାର ତଦନ୍ତ କରୁଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡା ରିପୋର୍ଟ
