ଜଗଜ୍ଜନ ବନ୍ଧୁ

       ଜେମା ଜୀବବନ୍ଧୁ 

 

ଜୟ ନୀଳାଚଳ ଚଞ୍ଚଳ ଦେବତା 

      ଜୟ ଜୟ ଜଗନ୍ନାଥ l

ଚକା ଚକା ନେତ୍ରେ ଅନାଇଁ ବସିଛ 

   ନୀଳଚକ୍ରେ ଉଡ଼େ ନେତ ll

ଶଙ୍ଖ, ଚକ୍ର, ଗଦା, ପଦ୍ମ ଧରି ଅଛ 

     ଚାରିଭୁଜେ ଆଣ୍ଟ କରି l

ଦୁଃସହ ଦୁର୍ଗତି ଗ୍ରହପୀଡ଼ା ମାନେ 

    ନପଶିବେ ପାଶେ ଡରି ll

ଚନ୍ଦନ, ସ୍ନାହାନ, ଗୁଣ୍ଡିଚା ଗମନ 

    କେତେ ଲୀଳା ଲଗାଇଛ l

ଭକ୍ତମନ ତୋଷି ଆହେ ବ୍ରହ୍ମରାଶି 

     ତବ ପ୍ରେମେ ହଜାଇଛ ll

ଗାଇ ହରି ହରି ହରି ଭଦ୍ରା ହଳୀ 

    ଭକ୍ତ ନାଚେ ବାହୁତୋଳି l

ଭାବ ବିନୋଦିଆ ଭାବ ଦିଆନିଆ 

    ମୁଖେ କେ ପାରିବ କଳି ll

ଜଗଜ୍ଜନ ବନ୍ଧୁ ଜେମା ଜୀବ ବନ୍ଧୁ 

     ଆହେ କୃପା ପାରାବାର l

କୃପାନେତ୍ରେ ତୁମ୍ଭ ପଲକ ନପଡ଼େ 

     ଭିଆଣ ମାୟା ସଂସାର ll

ଭକ୍ତିରେ ଅର୍ପୁଛି ଆହେ ଭକ୍ତ ପ୍ରୀୟ 

       ଭକତି କୁସୁମାଞ୍ଜଳୀ l

ବେନିକର ଯୋଡ଼ି ତବ ପଦେ ପଡ଼ି

       ଦୟାମୟ ବନମାଳୀ ll

ଏହି ଦୟା ହେବ ହେ କରୁଣାର୍ଣ୍ଣବ 

       ନିର୍ଦ୍ଦୟ ହୋଇବ ନାହିଁ l

କଳ୍ପ ବଟ ମୂଳେ ଜଣାଣ ଗାଇବି 

        ପଡ଼ି ଥିବ ବଟ ଛାଇ ll       

ଅର୍ଜୁନୀ ଚରଣ ବେହେରା