ଯାମଦା ବ୍ଳକ! ଭଗାବେଡା – ସାନକୁଲେଇବିରା ଆର .ଡି.ରୋଡର ଜାମୁନାଳ ପୋଲ ଉପରେ ପାଣି; ଯାତାୟତ ବାଧାପ୍ରାପ୍ତ
ମୟୂରଭଂଜ – ୨୬/୦୭ — ଲଘୁଚାପ ଜନିତ ବର୍ଷା ଯୋଗୁଁ ନଦୀ,ନାଳ,ନନଜୋରିରେ ଜଳ ସ୍ତର ବୃଦ୍ଧି ପାଉଛି ।ପାହାଡରୁ ପାଣି ଆସି ଜଳସ୍ତର ବଢ଼ାଉଛି । ଲଗାଣ ବର୍ଷା ଯୋଗୁ ବିଭିନ୍ନ ସ୍ଥାନରେ ବନ୍ୟା ଭଳି ପରିସ୍ଥିତି ଉପୁଜିଛି ।ଅନ୍ୟ କିଛି ସ୍ଥାନ ଲଗାଣ ବର୍ଷାରେ ଜନଜୀବନ ଅସ୍ତବ୍ୟସ୍ତ ହୋଇପଡିଛନ୍ତି । ଚାଳ,ଛପର,ଖପର ଘରେ ରହୁଥିବା ଲୋକଙ୍କ ହାଲ ସଂପୁର୍ଣ ଵେହାଲ ହୋଇଯାଇଛି ।ଲଗାଣ ବର୍ଷା ପ୍ରଭାବରେ ଜାମଦା ବ୍ଲକ ର ପାସନା ପଂଚାୟତର ଭାଗବେଡା ଗ୍ରାମ – ସାନକୁଲେଇବିରା ଗ୍ରାମୀଣ ରାସ୍ତାର ଜାମୁନାଳ ପୋଲ ଉପରେ ପାଣି ବୋହୁଛି ।ରାସ୍ତା ରେ ପିଚୁ ଧୋଇ ଗୋଡ଼ି ଉଠିଗଲାଣି । ପୋଲ ଉପରେ ପାଣି ଯାଉଥିବାରୁ ଲୋକଙ୍କ ଯାତାୟତ ବାଧାପ୍ରାପ୍ତ ହେଉଛି ।ଏହି ରାସ୍ତା ଦେଇ ଝାଡ଼ଖଣ୍ଡ ରାଜ୍ଯର ଲାଗିବା ଆଡ଼କୁ ରାସ୍ତା ଏବଂ ଦୁନ୍ଦୁ ଗ୍ରାମ ଦେଇ ବହଳଦାକୁ ରାସ୍ତା ଉପରେ ୭/୮ ଟି ପଞ୍ଚାୟତର ଲୋକେ ଯିବା ଆସିବା କରିଥାନ୍ତି ।କିନ୍ତୁ ପୋଲ ଉପରେ ପାଣି ରହୁଥିବାରୁ ଯାତାୟତ ପ୍ରଭାବିତ ହୋଇଛି । ଲଗାଣ ବର୍ଷାରେ ବହୁ ଗାଁକୁ ଯୋଗାଯୋଗ ବିଚ୍ଛିନ୍ନ ହୋଇ ପଡିଛି। ଖାଲି ସେତିକି ନୁହେଁ ସବୁଠୁ କ୍ଷତି ହୋଇଛି ଚାଷୀର । ଜମିରେ ପାଣି ରହୁଥିବାରୁ ଧାନତଳି ନଷ୍ଟ ହୋଇଯାଉଛି ।ପନିପରିବା ଚାଷ ସଂପୁର୍ଣ ନଷ୍ଟ ହୋଇଗଲାଣି । ଚାଷୀଙ୍କ ମୁଣ୍ଡରେ ଚଡ଼କ ପଡ଼ିଛି ।
ମୟୂରଭଂଜ ଅକ୍ଷୟ ବିଶ୍ବାଳ ମସିହା ନିଉଜ
