ରାଜ୍ୟ ସ୍ତରୀୟ ସଂପୂର୍ଣ୍ଣତା ଅଭିଯାନ ସମ୍ମାନ ସମାରୋହ ଡାବୁଗାଁ ବ୍ଲକକୁ ସ୍ୱର୍ଣ୍ଣ ପଦକ
ଡାବୁଗାଁ, ୩୦/୭ (ମ.ନି.ସ.)- ମଙ୍ଗଳବାର ଭୁବନେଶ୍ୱର ଲୋକସେବା ଭବନ ଠାରେ ରାଜ୍ୟସ୍ତରୀୟ ସମ୍ପୂର୍ଣ୍ଣତା ଅଭିଯାନରେ ସଫଳତା ହାସଲ କରିଥିବା ଆକାଂକ୍ଷା ଜିଲ୍ଲା ଓ ବ୍ଲକ କୁ ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ପୁରସ୍କୃତ କରିଛନ୍ତି । ଦୁର୍ଗମ ଓ ସ୍ଥାନୀୟ ଅଞ୍ଚଳର ବିକାଶ କୁ ପ୍ରୋତ୍ସାହିତ କରିବା, ସ୍ଵାସ୍ଥ୍ୟ ଓ ପୋଷଣ, ଶିକ୍ଷା, କୃଷି ସମ୍ବନ୍ଧୀୟ ସୁଚାଙ୍କ କୁ ପରିପୂର୍ଣ୍ଣତା ହାସଲ କରିଥିବା 
ଆକାଂକ୍ଷା ଜିଲ୍ଲା ଓ ବ୍ଲକ କୁ ସମ୍ମାନୀତ କରିବା ସମ୍ପୂର୍ଣ୍ଣତା ଅଭିଯାନ ର ଅଂଶ ବିଶେଷ । ନବରଙ୍ଗପୁର ଜିଲା ଡାବୁଗାଁ ବ୍ଲକ ର ତ୍ରୈମାସିକ ଗର୍ଭବତୀ ଓ ଶିଶୁଙ୍କ ଟୀକାକରଣ, ପୋଷଣ, ମୃତ୍ତିକା ସ୍ୱାସ୍ଥ୍ୟ କାର୍ଡ, ବିଦ୍ୟାଳୟରେ ପୁସ୍ତକ ବଣ୍ଟନ, ସ୍କୁଲରେ ବିଦ୍ୟୁତକରଣ, ମଧୁମେହ ଓ ଉଚ୍ଚ ରକ୍ତଚାପ ରୋଗର ସ୍କ୍ରିନିଂ, ଆର୍ଥିକ ଅନ୍ତର୍ଭୂକ୍ତିକରଣକୁ ପାଥେୟ କରି ନବରଙ୍ଗପୁର ଜିଲା ଡାବୁଗାଁ ବ୍ଲକ ୬ ଟି ସୂଚାକାଙ୍କ ପରିପୂର୍ଣ୍ଣତା ଲାଭ କରିଥିବାରୁ ମାନ୍ୟବର ମୁଖ୍ୟମନ୍ତ୍ରୀ ସ୍ୱର୍ଣ୍ଣ ପଦକ ପ୍ରଦାନ କରିଥିଲେ | ୬ ସୁଚାକାଙ୍କ ପୂର୍ଣ୍ଣତା ହାସଲ କରି ଡ଼ାବୁଗାଁ ବି ଡି ଓ ଶରତ କୁମାର ମାଝୀ ସ୍ୱର୍ଣ୍ଣ ପଦକ ଗ୍ରହଣ କରିଥିଲେ । ଏନେଇ ବିଡିଓ ଶ୍ରୀ ମାଝି ବ୍ଲକ ଅଧୀନରେ କାର୍ଯ୍ୟରତ ବିଭିନ୍ନ ବିଭାଗୀୟ ଅଧିକାରୀ, କର୍ମଚାରୀ ମାନଙ୍କୁ ଧନ୍ୟବାଦ ପ୍ରଦାନ କରିଛନ୍ତି | ବ୍ଲକ ର ସମସ୍ତ ବିଭାଗୀୟ ଅଧିକାରୀ ଓ କର୍ମଚାରୀ ମାନେ ବିଡିଓ ଙ୍କୁ ଶୁଭେଚ୍ଛା ଜଣାଇଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
