ଓଡିଶା ସ୍କୁଲ କଲେଜ ଶିକ୍ଷକ ଓ କର୍ମଚାରୀ ସମନ୍ବୟ ସମିତି,ରାଇରଙ୍ଗପୁର ବ୍ଳକ ଶାଖା ତରଫରୁ ରାଇରଙ୍ଗପୁର ଗୋଷ୍ଠୀ ଶିକ୍ଷା କାର୍ଯ୍ଯାଳୟସମ୍ମୁଖରେ ୬ ଦଫା ଦାବିନେଇ ବିକ୍ଷୋଭ ଏବଂ ଦାବିପତ୍ର ପ୍ରଦାନ
ମୟୂରଭଂଜ – ୨/୦୮ — ଓଡ଼ିଶା ସ୍କୁଲ୍ କଲେଜ ଶିକ୍ଷକ ଓ କର୍ମଚାରୀ ସମନ୍ବୟ ସମିତିର ( ଓଷ୍ଟା),ରାଇରଙ୍ଗପୁର ଶାଖା ତରଫରୁ ରାଇରଙ୍ଗପୁର ଗୋଷ୍ଠୀ ଶିକ୍ଷା କାର୍ଯ୍ଯାଳୟ ସମ୍ମୁଖରେ ବ୍ଳକ ସ୍ତରୀୟ ୬ ଦଫା ଦାବି ନେଇ ବିକ୍ଷୋଭ କାର୍ଯ୍ୟକ୍ରମ ଆଜି ଶନିବାର ଦିନ ଅନୁଷ୍ଠିତ ହୋଇଯାଇଛି ।ପରେ ଶିକ୍ଷକମାନେ ବିଇଓଙ୍କୁ ୬ ଦଫା ଦାବି ସମୂହ ନେଇ ମୁଖ୍ଯମନ୍ତ୍ରୀ,ରାଜ୍ୟ ଗଣଶିକ୍ଷାମନ୍ତ୍ରୀ,ରାଜ୍ୟ ଉଚ୍ଚ ଶିକ୍ଷାମନ୍ତ୍ରୀ,ମୁଖ୍ୟ ଶାସନ ସଚିବଙ୍କ ଉଦ୍ଦେଶ୍ୟରେ ଏକ ଲିଖିତ ୬ ଦଫା ଦାବି ସମୂହ ନେଇ ଦାବିପତ୍ର ପ୍ରଦାନ କରିଥିଲେ ।ଦାଵି ସମୂହ ଗୁଡିକ ହେଲା ୧- ସମସ୍ତ ଯୋଗ୍ୟ ବିବେଚିତ ବିଦ୍ୟାଳୟ ଓ ମହାବିଦ୍ୟାଳୟ ଗୁଡ଼ିକୁ ଅନୁଦାନ ପ୍ରଦାନ,୨- ସମସ୍ତ ନୂତନ ଅନୁଦାନପ୍ରାପ୍ତ ବିଦ୍ୟାଳୟ ଓ ମହାବିଦ୍ଯାଳୟଗୁଡିକରୁ ଅବସର ନେଇଥିବା ଓ ଅବସର ନେବାକୁ ଯାଉଥିବା ଶିକ୍ଷକ ଓ ଶିକ୍ଷା କର୍ମଚାରୀମାନଙ୍କୁ ଚାକିରୀ ସର୍ତାବଳୀ,ପେନସନ, ଓ ଅବସରକାଳୀନ ସୁବିଧା ସୁଯୋଗ ସମସ୍ତ ନ ପ୍ରଦାନ, ୩- ଅବସର ବୟସ ସୀମା ୬୦ ରୁ ୬୨ ବର୍ଷ ବୃଦ୍ଧି,୪- ଶିକ୍ଷକ ଓ କର୍ମଚାରୀଙ୍କ ଗ୍ରେଡପେ ରେ ଥିବା ଅସଙ୍ଗତି ଦୂରୀକରଣ ୫-ସମସ୍ତ ନୂତନ ଓ ଅନୁଦାନପ୍ରାପ୍ତ ବିଦ୍ୟାଳୟ ଓ ମହାବିଦ୍ଯାଳୟଗୁଡିକୁ ସରକାରୀ କରଣ ଏବଂ ଶିକ୍ଷକ ନିଯୁକ୍ତି, ୬- ୨୦୦୪ ରୁ ୨୦୧୩ ମଧ୍ୟରେ ନିଯୁକ୍ତି ପାଇଥିବା ଚୁକ୍ତିଭିତ୍ତିକ ଶିକ୍ଷକମାନଙ୍କୁ ୬ ଟି ନୋସନାଲ୍ ଇନକ୍ରିମେଣ୍ଟ ସହିତ ଗରିଷ୍ଠତା ପ୍ରଦାନ ଓ ନୂତନ ପେନସନ ପରିବର୍ତ୍ତେ ପୁରାତନ ପେନସନ୍ ସ୍କିମର ପୁନଃ ପ୍ରଚଳନ ଇତ୍ୟାଦି ।ଶିକ୍ଷକମାନେ ଦାବିପତ୍ର ପ୍ରଦାନ ବିଇଓ ଶ୍ରୀ ଘନଶ୍ୟାମ ମୁର୍ମୁ,ଏବିଇଓ କାର୍ତ୍ତିକ ଚନ୍ଦ୍ର କାରୁଆ,ଏବିଇଓ ହେମମାଝି ପ୍ରମୁଖ ଉପସ୍ଥିତ ଥିଲେ ।ଦାବିପତ୍ର ପ୍ରଦାନ ସମୟରେ ମୟୂରଭଂଜ -୨ ର ଜିଲ୍ଲା ସଭାପତି ଦୁର୍ଯୋଧନ ବେହେରା, ବ୍ରହ୍ମାନନ୍ଦ ପଣ୍ଡା,ଅନିଲ ମହାନ୍ତ,ସୁବାସ ବାରିକ, ସୁବାସ ମହାନ୍ତ ,ମୀନାକ୍ଷୀ ମହାନ୍ତ,ସପନ ମହାନ୍ତ, ରଣଜିତ କୁମ୍ଭାକାର,ସଞ୍ଜିବ ମାହାଲି,ମିହିର ଦାସ,ପ୍ରଭାକର ପାଲ ,ଯତୀନ୍ଦ୍ର ନାଥ ଗିରି,ଅନାଦି ଶଙ୍କର ଗିରି,ଜନ୍ମେଜୟ ମହାନ୍ତ ଙ୍କ ସମେତ ବହୁ ଶିକ୍ଷକ ଉପସ୍ଥିତ ଥିଲେ ।
ମୟୂରଭଂଜରୁ ଅକ୍ଷୟ ଵିଶ୍ବାଳ ମସିହା ନିଉଜ
