ନୂଆପଡା : ନୂଆପଡା ଜିଲ୍ଲା ଖଡ଼ିଆଳ ବ୍ଲକ ସ୍ଥିତ କଲ୍ୟାଣ ମଣ୍ଡପ ୧ ରେ ଆଜି ନୂଆପଡ଼ା ଜିଲ୍ଲା ଆମ ଆଦମୀ ପାର୍ଟି ତରଫରୁ ଏକ କର୍ମକର୍ତା ସମ୍ମିଳନୀ ଓ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି l ଏହି ବୈଠକ ରେ ନୂଆପଡା ଜିଲ୍ଲାର ବିଭିନ୍ନ ସ୍ଥାନରୁ ଶତାଧିକ ମହିଳା ଏବଂ ପୁରୁଷ କର୍ମି ଉପସ୍ଥିତ ଥିଲେ l ଏହି ବୈଠକରେ ଆମ ଆଦମୀ ପାର୍ଟି ରାଜ୍ୟ ସଭାପତି ନିଶିକାନ୍ତ ମହାପାତ୍ର ଯୋଗ ଦେଇ ଓଡ଼ିଶାରେ ୨୦୦ ୟୁନିଟ ବିଜୁଳି ଫ୍ରି ଉପରେ ଆଲୋଚନା କରିଥିଲେ ଓ ହରଘର ଦସ୍ତଖତ ଅଭିଯାନ ରେ ୨୦୦ ୟୁନିଟ ବିଜୁଳି ଫ୍ରି ପାଇଁ ଆଗାମୀ ଜୁନ ୧୦ ତାରିଖରେ ଭୁବନେଶ୍ୱର ରେ ମୁଖ୍ୟମନ୍ତ୍ରୀ ଙ୍କୁ ହଜାର ହଜାର ଆପ କର୍ମକର୍ତ୍ତା ଙ୍କ ଉପସ୍ଥିତି ରେ ୫ ଲକ୍ଷ ଲୋକଙ୍କ ଦସ୍ତଖତ ଫର୍ମ ଦିଆ ଯିବବୋଲି କହିଥିଲେ l ପରେ ନୂଆପଡା ଜିଲ୍ଲା ସଭାପତି ଶୋକନାଥ ସେନାପତି ଜିଲ୍ଲାରେ ଆମ ଆଦମୀ ପାର୍ଟି କିପରି ସୁଦୃଢ ହେବ ଏବଂ ଆଗକୁ ଯାଇପାରିବ ସେ ବିଷୟରେ କହିଥିଲା l ଏହି ବୈଠକ ରେ ସୁରେଶ ଆଚରି, ସମୀର ଅଗ୍ରୱାଲ, ଚମ୍ପେଶ୍ୱର ବନ୍ଧିଚୋର, ନବୀନ ମାଝୀ ସମେତ ଶତାଧିକ କାର୍ଯ୍ୟକର୍ତ୍ତା ଉପସ୍ଥିତ ଥିଲେ l ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
