ପୁଅ ନିଖୋଜ ନେଇ ପିତା କଲେ ଅଭିଯୋଗ
ଔପଦା,୧୬/୮/୨୫- ନିଖୋଜ ପୁଅକୁ ଖୋଜୁଛି ବାପା । ନିରାଶ ହୋଇ ଥାନାରେ ଅଭିଯୋଗ କରିଛି ବାପା । ଏମିତି ଏକ ଘଟଣା ଘଟିଛି ବାଲେଶ୍ଵର ଜିଲ୍ଲା ଔପଦା ଥାନା ଅଞ୍ଚଳରେ । ଅଭିଯୋଗରୁ ଜଣାଯାଇଛି ଯେ ଔପଦା ଥାନା ପାଟପୁର ଗ୍ରାମର ବ୍ରଜମୋହନ ବିନ୍ଧାଣୀଙ୍କ ପୁଅ ଶିବଶଙ୍କର ବିନ୍ଧାଣୀ(୧୬) ଗତ ୧୨/୮/୨୫ ରିଖ ସକାଳ ୭ ଘଟିକା ସମୟରେ ଟିଉସନ ଯାଉଛି କହି ଘରୁ ଯାଇଥିଲା ହେଲେ ସେ ଟିଉସନକୁ ଯାଇନାହିଁ କି ଘରକୁ ଫେରିନାହିଁ । ବହୁ ଖୋଜାଖୋଜି ପରେ ପୁଅର କୌଣସି ସନ୍ଧାନ ନ ପାଇବାରୁ ୧୩/୮/୨୫ ରିଖରେ ବାପା ବ୍ରଜମୋହନ ବିନ୍ଧାଣୀ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ପାଇ ଔପଦା ପୋଲିସ ମିଶିଙ୍ଗ କେସ୍ ନମ୍ବର ୧୨୫/୨୫ ରୁଜୁକରି ତଦନ୍ତ ଜାରି ରଖିଛି । ପୁଅର ରଙ୍ଗ ଗୋରା, ଉଚ୍ଚତା ୫ ଫୁଟ ୬ ଇଞ୍ଚ, ଗଲାବେଳେ ୩/୪ ହଳ ପେଣ୍ଟ ସାର୍ଟ ସାଥିରେ ନେଇଥିବା ବେଳେ ଏବର୍ଷ +୨ ରେ ଆଡମିସନ କରିଛି । ପୁଅ ନିଖୋଜ ନେଇ ପରିବାର ଲୋକେ ଦୁଃଖରେ ଭାଙ୍ଗି ପଡିବା ସହିତ ପୁଅକୁ ଉଦ୍ଧାର ନିମନ୍ତେ ପୋଲିସକୁ ଆକୁଳ ନିବେଦନ କରିଛନ୍ତି । ଯାହା ଅଭିଯୋଗକାରୀଙ୍କ ଅଭିଯୋଗରୁ ଜଣାପଡିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
